Author: Tushar Bhambare

बीड, लोकशाही न्युज नेटवर्क: बीड (Beed) शहरातून एक अत्यंत धक्कादायक (Shocking) घटना समोर आली आहे. आपल्या मुलीला एकट खेळत सोडणं तिच्या जीवावर बेतलं आहे. खेळता खेळता चौथ्या मजल्यावरून पडल्याने दीड वर्षीय चिमुकलीचा दुर्दैवी मत्यू झाला आहे. दरक्शा रईसोद्दीन कुरेशी अस चिमुकलीचे नावं आहे. या घटनेने सर्वत्र हळहळ व्यक्त केली जात आहे. बीड शहर पोलिसात आकस्मिक मृत्यूची नोंद करण्यात आली आहे. याबाबत सविस्तर वृत्त असे की, बीड शहरातील झमझम कॉलनी येथे रईसोद्दीन झियाओद्दीन कुरेशी हे भाड्याने राहतात. ते अपार्टमेंटमध्ये चौथ्या मजल्यावर राहत होते. दरम्यान त्यांची मुलगी दरक्शा कुरेशी ही सकाळी खेळत होती. यावेळी अचानक तिचा तोल गेल्याने चौथ्या मजल्यावरून ती…

पाचोरा, लोकशाही न्युज नेटवर्क: पाचोरा तालुका सहकारी शिक्षण संस्था संचलित पाचोरा येथील श्री. गो.से. हायस्कुल व युनिक कॉम्प्युटर्स यांच्या संयुक्तविद्यमाने नुकतीच “सायबर सेक्युरिटी कार्यशाळा” (Cyber security workshop) संपन्न झाली. याप्रसंगी धुळे येथील सिद्धेश कॉम्प्युटरचे संचालक संतोष बिरारी व पाचोरा पोलिस स्टेशनचे उपनिरीक्षक योगेश गणगे (Sub Inspector Yogesh Gange) उपस्थित होते. संतोष बिरारी यांनी विद्यार्थ्यांना मोबाईल, व्हाट्सअप, फेसबुक, इंस्टाग्राम यांच्या माध्यमातून आर्थिक व इतर फसवणूक कशी केली जाते. व त्यापासुन कसे परावृत्त व्हावे याविषयी सविस्तर मार्गदर्शन केले. पोलिस उपनिरीक्षक योगेश गणगे यांनी विद्यार्थ्यांनी मोबाईल व सोशल मीडियाचा काळजीपूर्वक वापर करावा असे मोलाचे मार्गदर्शन केले. विद्यालयाच्या मुख्याध्यापिका प्रमिला वाघ यांनी शालेय…

लोकशाही संपादकीय लेख: जळगाव जिल्हा सहकारी दूध उत्पादक संघाची निवडणूक (District Milk Union election) शनिवार दिनांक 10 डिसेंबर रोजी होत आहे. जिल्हा दूध संघ निवडणूक शिंदे भाजप गट आणि महाविकास आघाडी अर्थात एकनाथ खडसे गट यांच्यात प्रतिष्ठेची बनली आहे. गेली सात वर्ष सत्ता असलेल्या खडसेंना दूध संघातून हद्दपार करण्याचा पालकमंत्री गुलाबराव पाटील आणि ग्राम विकास मंत्री गिरीश महाजन यांनी चंग बांधला आहे. सर्वपक्षीय पॅनलचा प्रयोग फसल्यानंतर शिंदे भाजप गटाचे शेतकरी विलास विकास पॅनल आणि महाविकास आघाडीचे सहकार पॅनल अशी दोन पॅनल मध्ये लढत होत आहे. दूध संघ निवडणुकीत जिल्ह्यात अवघे 441 मतदार मतदानाचा अधिकार बजावत आहे. संचालक मंडळाची एकूण…

हिमाचल प्रदेश, लोकशाही न्यूज नेटवर्क: गुजरात विधान सभा (Gujarat Legislative Assembly) निवडणुकीत तोंडघशी पडलेल्या कॉंग्रेससाठी (Congress) हिमाचल प्रदेशातून मात्र आनंदवार्ता आहे. हिमाचल प्रदेशात (Himachal Pradesh) यावेळी कॉंग्रेसनं करिश्मा केला आहे. कारण हिमाचलमध्ये आता कॉंग्रेसचं सरकार स्थापन होणार हे जवळपास निश्चित आहे. अशात हिमाचल प्रदेशातल्या अनेक कॉंग्रेस दिग्गजांनी मुख्यमंत्री पदासाठी दावा ठोकला आहे. त्यामुळे हिमाचल प्रदेशच्या मुख्यमंत्रीपदाची माळ कुणाच्या गळ्यात पडणार आणि कॉंग्रेस हायकामांडच्या मनात कोण आहे याबाबत उत्सुकता लागली आहे. कॉंग्रेस हायकमांड हिमाचल प्रदेशमधील नेते विक्रमादित्य सिंग, प्रतिभा सिंग, सुखविंदर सिंग सुखू आणि मुकेश अग्निहोत्री यांच्यापैकी पक्ष कोणाला मुख्यमंत्री बनवणार? याबाबत अजूनही भूमिका स्पष्ट झालेली नाही. अग्निहोत्री हे वीरभद्र…

गुजरात निवडणूक, लोकशाही न्यूज नेटवर्क: भाजपाने (BJP) ऐतिहासिक कामगिरी केली असून १८४ पैकी १५८ जागा जिंकण्याच्या मार्गावर आहे. काँग्रेसचा (Congress) मात्र दारुण पराभव झाला आहे. काँग्रेसला फक्त १६ ते २० जागांवर विजय मिळण्याती शक्यता आहे. दुसरीकडे आक्रमक प्रचाराद्वारे मोठी हवा निर्माण केलेल्या “आप”ला मात्र तीन ते दोन अंकी आकडा गाठणंही कठीण आहे. मागच्या 6 वेळा भाजपने गुजरातमध्ये सरकार स्थापन केलं, यानंतर आता लागोपाठ 7 व्यांदा गुजरातमध्ये भाजपचं कमळ फुलणार आहे. गुजरात विधानसभा निवडणुकीत भाजपची पुन्हा एकदा स्पष्ट बहुमताकडे वाटचाल सुरू झाली आहे. आतापर्यंत हाती आलेल्या कलानुसार भाजपने 156 जागांवर आघाडी घेतली आहे. भाजपला 150 पेक्षा जास्त जागांवर यश मिळालं…

जळगाव, लोकशाही न्यूज नेटवर्क: मुंबईचे डबेवाले (Dabwale of Mumbai) आज जगभरात प्रसिद्ध आहेत. १८९० साली म्हणजेच इंग्रजांच्या काळात मुंबई डबेवाला या संकल्पनेचा उदय झाला. तेव्हा पासून आज पर्यंत अविरत सेवा आम्ही देत आहोत. व्यवसाय कोणताही असो त्यात आपले समर्पण महत्वाची भूमिका पार पाडते. व्यवसाय करण्यासाठी किंवा त्याला प्रगतीपथावर पोहचविण्यासाठी तुमचे नियोजन, वेळेचे महत्व, काम करण्याची पद्धत आणि सर्वात महत्वाची शिस्तबद्धता आहे. या सर्व गोष्टी आपल्याकडे असतील तर तुमचे काम तुमची ओळख निर्माण करण्याचे काम नक्की करेल त्यामुळे हम अंग्रेजो के जमाने के जेलर नही, लेकीन डब्बेवाले जरूर है ! असे मत मुंबई डबेवाला असोसिएशनचे सचिव सुभाष तळेकर यांनी व्यक्त…

पाचोरा, लोकशाही न्यूज नेटवर्क: तालुक्यातील माहेजी ते म्हसावद रेल्वे स्थानका दरम्यान धावत्या रेल्वेखाली सापडुन पटना (बिहार) येथील एका ३६ वर्षीय इसमाचा दुर्दैवी मृत्यू झाल्याची घटना ८ डिसेंबर रोजी सकाळी ८ वाजेच्या सुमारास उघडकीस आली आहे. घटनेप्रकरणी पाचोरा पोलिसात अकस्मात मृत्यूची नोंद करण्यात आली आहे. याबाबत पाचोरा पोलिसांकडून प्राप्त माहिती अशी की, पाचोरा तालुक्यातील माहेजी ते म्हसावद रेल्वे स्थानका दरम्यान रेल्वे कि.मी.खंबा क्रं. ३८९/२५ नजीक धावत्या रेल्वेखाली सापडुन रामा जोगेंद्र पंडित (३६) रा. अजनोरा, ता. नुरसराय, जि. नालंदा (बिहार) या इसमाचा ८ डिसेंबर रोजी सकाळी ८ वाजेच्या सुमारास दुर्दैवी मृत्यू झाल्याची घटना उघडकीस आली आहे. घटनेची माहिती मिळताच पाचोरा पोलिस…

भडगाव, लोकशाही न्यूज नेटवर्क: चोपडा तालुक्यातील वेले येथील मानव सेवा तीर्थ बेवारस मनोरुग्णांना तीर्थात आणून त्यांची सेवा करण्याचा कार्यक्रम आयोजित केला होता. यावेळी मनोरुग्णांना मानव सेवा तिर्थात आनून त्यांची सर्व प्रकाराची सेवा करण्यात आली. विश्व मानव रूहाणी केन्द्र नवानगर शाखा चोपडा हि नोंदणीकृत संस्था असून, संत बलजीत सिंघजी महाराज यांच्या नैतिक जीवन अध्याम् आणि ध्यान धारणा यावर आधारीत लोक कल्याणकारी समाजीक कार्याचे आयोजन करत असते. विश्व मानव रूहाणी केन्द्र शाखा अमळनेर व चोपडा जिल्हा जळगांव तर्फे आयोजन करण्यात आले होते. या कार्यक्रमाप्रसंगी चोपडा नगर परिषद मुख्य कार्यकारी अधिकारी हेमंत निकम गट नेते जिवन चौधरी निवृत्त पोलिस निरीक्षक मुंबई तसेच…

भडगाव, लोकशाही न्यूज नेटवर्क: भुजबळ नॉलेज सीटी नाशिक तंत्रनिकेतन कॉलेजची विद्यार्थीनी व चाळीसगांव तालुक्यातील मादुंर्णे येथील वसंतराव नारायण पाटील (महाजन) यांची नात व कै. विनायक वसंतराव पाटील सा.बा.विभाग अभियंता नंदुरबार. यांची सुकन्या कु. मानसी विनायक पाटील हिने लोणी जि. अहमदनगर येथे  झालेल्या थाळी फेक महाराष्ट्र राज्यस्तरीय स्पर्धेत महराष्ट्र चॅम्पियनशिप पटकाऊन सुवर्णपदकाची मानकरी ठरली. तिच्या यशामुळे तिच्यावर नाशिक व जळगांव जिल्हातून कौतुकाचा वर्षाव होत आहे. (Khandesh girl Mansi Patil shone in the state…)

नाशिक, लोकशाही न्यूज नेटवर्क: नाशिक सिन्नर महामार्गावर गुरूवारी दुपारी राज्य परिवहन महामंडळाची बस, दुचाकी यांच्यात शिंदे टोल नाक्या जवळ विचित्र अपघात झाला. या अपघातात बसने दोन दुचाकीस्वारांना धडक दिल्याने त्यांचा मृत्यू झाला असून अपघातानंतर बस अचानक पेटली. बसचे ब्रेक फेल झाल्याने हा अपघात झाला. अपघातानंतर लगेचच बसने पेट घेतला. या अपघातात सहा जणांचा मृत्यू झाल्याचं वृत्त आहे. या महामार्गावर शिंदे पळसे गावाजवळ हा अपघात झाला. ब्रेक फेल झाल्याने बसने दुचाकीस्वारांना चिरडलं. या अपघातानंतर बसने पेट घेतल्याने प्रवाशांनी धावत्या बसमधून उडी मारली. या अपघातात सहा जणांचा मृत्यू झाल्याचे वृत्त असून बसचे ब्रेक फेल झाल्याने अपघात झाल्याचा प्राथमिक अंदाज वर्तवला जात…

जळगाव, लोकशाही न्यूज नेटवर्क: शिवकॉलनी ते अजिंठा चौफुली दरम्यान होणारे अपघात व प्रदूषणाचा प्रश्न तसेच वरील दुभाजकामध्ये वृक्षारोपण, तसेच अतिक्रम काढणे, रस्ता मोकळा करून पथदिवे, सूचना फलक त्याचबरोबर साईड पट्ट्यांची दुरुस्ती व झेब्रा क्रॉसिंग पट्टे आखावे जेणेकरून एक्सीडेंट होणार नाही. या विविध उपाययोजना करून सुविधा मिळाव्यात यासाठी जन उद्योग ग्राहक कल्याण परिषद महाराष्ट्र राज्य उपाध्यक्ष जळगाव कार्याध्यक्ष डॉ. शरीफ बागवान यांनी न्हाई (NHAI) चे डेपोटी मॅनेजर स्वातंत्र्य गौरव यांना भेटून समस्यावर चर्चा केली व त्यांना यावेळी निवेदन देण्यात आले. (Various demands for Highway) दरम्यान न्हाई चे डेप्युटी व्यवस्थापक स्वातंत्र्य गौरव यांनी लवकरात लवकर समस्या दूर करण्याचे काम केले जाईल…

कर्नाटक, लोकशाही न्यूज नेटवर्क: पोलीस इन्स्पेक्टर आपल्या पत्नीसह आपल्या गाडीने जात असताना एक भीषण अपघात घडला. (A police officer along with his wife died on the spot in a horrific accident) या अपघातात पती पत्नीचा जागीच मृत्यू झाल्याची घटना घडली आहे. रस्त्याच्या कडेला उभ्या असलेल्या एका कंटेनरला भरधाव कारने मागून जोरदार धडक दिली. ही धडक इतकी भीषण होती की कार थेट कंटेनरच्या मागच्या बाजूमध्ये घुसली. यावेळी झालेल्या धडकेत पती-पत्नीला जबर मार लागल्याने त्यांचा जागीच मृत्यु झाला आहे. ही घटना कर्नाटकच्या कलबुर्गीमध्ये घटना घडली. सिंदगी येथील सर्कल इन्स्पेक्टर रवी उकुंडा, वय 43 आणि त्यांची पत्नी मधू, वय 40, यांच्यावर या…

भंडारा, लोकशाही न्यूज नेटवर्क: 8 वर्षीय श्रद्धा सिडाम खूनप्रकरणाचा पोलिसांनी छडा लावला आहे. ही घटना भंडारा जिल्ह्याच्या साकोली तालुक्यातील पापडा येथे झाली होती. तपासात समोर आले की, अत्याचाराच्या प्रयत्नात तोंड दाबल्याने श्रद्धाचा गुदमरुन मृत्यु झाला होता. दरम्यान पुरावा नष्ठ करण्यासाठी तनसाच्या ढिगाऱ्यात जाळल्याचे सिद्ध झाले आहे. या प्रकरणी घराशेजारी राहणाऱ्या 16 वर्षीय अल्पवयीन मुख्य आरोपीस अटक करण्यात आली आहे. विशेष म्हणजे यापूर्वी संशयाच्या आधारावर अटक केलेल्या आरोपीच्या या गुन्ह्यात कोणताही समावेश नसल्याचे समोर आले आहे. श्रद्धा ज्या शाळेत शिकत होती त्या शाळेत निवडणुकीच्या संदर्भात बैठक होणार असल्याने शाळा लवकर सोडण्यात आली होती. यामुळे 28 नोव्हेंबर दिवशी ती शाळेतून आल्यावर…

मनवेल, लोकशाही न्यूज नेटवर्क: साकळी (Sakali) येथील शनि मंदिर (बाहेरपुरा) भागातून जाणाऱ्या मुख्य रस्त्यावर गतिरोधक नसल्याने रस्त्यावरून सुसाट धावणाऱ्या वाहनांमुळे अपघात होऊ शकतो. ही गंभीर बाब लक्षात घेऊन या भागातील नागरिकांनी स्वखर्चातून या रस्त्यावर गतिरोधक तयार करून एक वेगळ्या प्रकारची सामाजिक बांधिलकी जपली आहे. या समस्येवर मार्ग काढण्यासाठी संबंधित रहिवाशांनी साकळी ग्रामपंचायत प्रशासनास लेखी निवेदन दिले आहे. लेखी निवेदनुसार, साकळी येथील शनिमंदिर भागातून जाणाऱ्या रस्त्यावर गेल्या काही महिन्यांपूर्वी काँक्रिटीकरण करण्यात आलेले आहे. यामुळे रस्ता सुरळीत झाल्यामुळे या रस्त्यावरून सर्व प्रकारच्या वाहनांची मोठ्या प्रमाणात वर्दळ सुरू असते. या वाहनांच्या वर्दळीत काही वाहने सुसाट वेगाने धावत असतात व यामुळे या भागातील…

जळगाव, लोकशाही न्यूज नेटवर्क भारतीय अभिजात संगीताचा खान्देशचा सांस्कृतिक मानदंड म्हणून नावारूपास आलेल्या बालगंधर्व संगीत महोत्सवाचे आयोजन दिनांक ६, ७, ८ जानेवारी २०२३ रोजी करण्यात येणार आहे. हा महोत्सव छत्रपती संभाजी राजे नाट्यमंदिरात संध्याकाळी ७ ते ११ या वेळेत संपन्न होणार आहे. स्व. वसंतराव चांदोरकर स्मृति प्रतिष्ठानच्या माध्यमातून साजरा होणाऱ्या या २१ व्या महोत्सवाचे मुख्य प्रायोजक म्हणून जैन इरिगेशन सिस्टीम लि. जळगाव जनता सहकारी बँक, सुहान्स केमिकल्स, इंडियन हे ऑईल कॉर्पोरेशन लि. जाई काजळ, व संस्कृती मंत्रालय, भारत सरकार हे असून भारतीय अभिजात संगीताच्या विश्वात जळगावचे नाव अधोरेखित करणाऱ्या या महोत्सवात यावर्षीही राष्ट्रीय आंतरराष्ट्रीय ख्यातीच्या कलावंतांना निमंत्रित करण्यात आलेले आहे.…

मुंबई, लोकशाही न्यूज नेटवर्क राज्यपाल भगतसिंग कोश्यारी (Governor Bhagat Singh Koshyari) हे सातत्याने वादात अडकत आहेत. आता कोश्यारी एक मॉडेलमुळे (Model) पुन्हा अडचणीत सापडण्याची शक्यता निर्माण झाली आहे. राजभवनातले (Raj Bhavan) मॉडेलचे फोटो समोर आले आहेत. मायरा मिश्रा (Maera Mishra) या मॉडेलने राज्यपाल भगतसिंग कोश्यारी यांची भेट घेतली. यावेळी तिने कोश्यारी यांच्यासह खुर्चीसोबत आणि राजभवनात इतर ठिकाणी फोटो काढले. हे फोटो तिने आपल्या सोशल मीडिया अकाऊंटवरुन शेअर केले आहेत. https://twitter.com/ManojBChavan5/status/1600329002937221120?s=20&t=F8ZrmYY8O8JwK0AHx3QczQ त्यावरून मनसेने आक्षेप घेतला आहे. मनसे नेते मनोज चव्हाण (MNS Manoj Chavan) यांनी याविषयी ट्वीट केले आहे. आपल्या ट्वीटसोबत त्यांनी मायरा मिश्राचा फोटो शेअर केला आहे. या ट्वीटमध्ये चव्हाण म्हणतात,…

मध्य प्रदेश, लोकशाही न्यूज नेटवर्क: मध्य प्रदेशातील पन्ना व्याघ्र प्रकल्पात 2 वर्षाच्या वाघाचा मृतदेह फासावर लटकलेल्या अवस्थेत सापडला आहे.(The dead body of a 2-year-old tiger was found hanging in the Panna Tiger Reserve in Madhya Pradesh) ही घटना उत्तर वनविभागाच्या पन्ना रेंजमधील लक्ष्मीपूर ते विक्रमपूर जंगलातील आहे. याबाबत माहिती मिळताच वनविभागाचे अधिकारी व कर्मचारी घटनास्थळी दाखल झाले आहेत. वाघाचा मृतदेह सापडला असून आता शवविच्छेदनाची तयारी सुरू आहे. दुसरीकडे, महाराष्ट्रातील चंद्रपूर जिल्ह्यात नुकतेच वाघाचे चार पिल्ले मृतावस्थेत आढळून आले. चंद्रपूर जिल्ह्यातील ताडोबा अंधारी व्याघ्र प्रकल्पाच्या (टीएटीआर) बफर झोनमध्ये शनिवारी वाघाचे चार पिल्ले मृतावस्थेत आढळून आले. या अधिकाऱ्याने सांगितले की, शावकांच्या…

जळगाव, लोकशाही न्यूज नेटवर्क माहेरहून 10 लाख रुपये आणण्यासाठी विवाहितेचा शारीरिक व मानसिक छळ केल्याचे समोर आले आहे. याप्रकरणी जळगाव तालुका पोलीस ठाण्यात मंगळवारी 6 डिसेंबर रोजी पतीसह सासरच्या मंडळीविरोधात गुन्हा दाखल करण्यात आला आहे. जळगाव शहरातील वाघ नगरमधील माहेर असलेल्या योगिता प्रशांत सावळे (वय 30) यांचा विवाह मुक्ताईनगर तालुक्यातील चिंचखेडा येथील प्रशांत चांगो सावळे यांच्याशी सन 2021 मध्ये रीतीरीजानुसार झाला. लग्नाच्या काही महिन्यानंतरच पती प्रशांत सावळे याने विवाहितेला नाशिकमध्ये फ्लॅट घेण्यासाठी माहेरहून 10 लाख रुपये आण अशी मागणी केली. विवाहितेने पैसे न आणल्याचा राग मनात धरून विवाहितेला शिवीगाळ व मारहाण करून छळ केला. यासाठी सासू, नणंद, नंदोई यांनी देखील…

नवी दिल्ली, लोकशाही न्यूज नेटवर्क: दिल्ली महापालिका निवडणुकीत आम आदमी पक्षाने दणदणीत विजय नोंदवला आहे. (Aam Aadmi Party resounding victory) त्यामुळे एमसीडीमध्ये 15 वर्षांपासून सत्तेत असलेल्या भाजपला बाहेरचा मार्ग शोधावा लागणार आहे. विजयानंतर दिल्ली मुख्यालयात पोहोचलेले मुख्यमंत्री अरविंद केजरीवाल (Chief Minister Arvind Kejriwal) म्हणाले की, दिल्लीतील जनतेने १५ वर्षांच्या भ्रष्ट भाजप सरकारला हटवून केजरीवाल यांच्या नेतृत्वाखाली आपचे सरकार स्थापन करण्यासाठी बहुमत दिले आहे, जनतेचे आभार. आमच्यासाठी ही मोठी जबाबदारी आहे. दिल्लीच्या जनतेने मला दिल्ली स्वच्छ करणे, भ्रष्टाचार दूर करणे, उद्यान दुरुस्त करणे यासह अनेक जबाबदाऱ्या दिल्या आहेत. तुमचा हा विश्वास कायम ठेवण्यासाठी मी रात्रंदिवस प्रयत्न करेन. मला दिल्लीच्या जनतेचे…

मनवेल, ता.यावल, लोकशाही न्युज नेटवर्क तालुक्यातील बहुतांश शेतकऱ्यांनी खरीप हंगामाचा पिक विमा काढला आहे. त्या पार्श्वभूमीवर शेतकऱ्यांना पिकविमा संदर्भात योग्य ती मदत व्हावी त्यांच्या समस्येचे निराकरण व्हावे तसेच खरीप हंगामा विमा भरपाईपासून वंचीत राहू नये यासाठी तालुका काँग्रेस कमिटीने कदिर खान यांच्या कार्यालयात शेतकरी मदत केंद्राची स्थापना केली असल्याची माहिती तालुका काँग्रेस कमेटीचे अध्यक्ष प्रभाकर नारायण सोनवणे यांनी दिली. यावल तालुक्यातून खरीप पिकांच्या शेतक-याने पिकविमा काढला आहे आहे. त्यांना योग्य ती नुकसान भरपाई मिळालेली नाही अशा सर्व शेतकरी बांधवांनी तक्रार निवारणासाठी यावल तालुका काँग्रेस कमेटीच्या वतीने मेनरोड यावल कादिर खान यांचे कार्यालयात शेतकरी मदत केंद्राची स्थापना करण्यात आली असून त्या…

नवी दिल्ली, लोकशाही न्यूज नेटवर्क सध्या अनेक लोक हनीट्रॅपमध्ये अडकत असून त्यांची फसवणूक केली जात आहे. असेच एका युट्यूबरने व्यावसायिकाला हनीट्रॅपमध्ये अडकवून 80 लाख रुपये लुबाडले आहेत. एका व्यावसायिकाला हनी ट्रॅपमध्ये (Honey Trap) फसवणाऱ्या युट्यूबर नमरा कादिरला (YouTuber Namra Qadir) पोलिसांनी अटक केली असून तिच्याकडून 80 लाख रुपये जप्त केले आहेत. तर पती विराट बेनिवाल याच्या अटकेसाठी छापेमारी सुरू आहे. नमराचे सोशल मीडियावर फॅन फोल्लोविंग खूप आहे. 2 लाखपेक्षा युजर्स तिला सोशल मीडियावर फॉलो करतात. नमरा तिचे ग्लॅमर्स फोटो नेहमी सोशलवर अपलोड करत असते, मात्र 24 नोव्हेंबरला गुरुग्राम येथील पोलीस स्टेशनमध्ये तिच्या विरोधात एका व्यवसायिकाने तक्रार दाखल केली. या तक्रारीनुसार,…

चाळीसगाव, लोकशाही न्यूज नेटवर्क चाळीसगाव (Chalisgaon) येथून एक धक्कादायक घटना समोर आली आहे. चाळीसगाव तालुक्यातील एका गावाजवळ असलेल्या तलावाजवळ 25 वर्षीय मूकबधिर तरुणीला मारहाण करून अत्याचार केल्याची संतापजनक घटना उघडकीस आली आहे. याप्रकरणी मेहुणबारे पोलिस ठाण्यात बुधवारी तिघांविरोधात अत्याचाराचा गुन्हा (Crime) दाखल करण्यात आला असून नराधमांचा कसून शोध सुरू केला आहे. 25 वर्षीय पिडीता मूकबधिर असून गावाजवळ असलेल्या एका तलावाजवळ तीन संशयितांपैकी दोघांनी डोक्यावर मारहाण केली. त्यानंतर त्यातील एकाने पिडीतेवर अत्याचार केला. ही धक्कादायक घटना रविवारी रात्री 8 वाजता घडली आहे. सोमवारी पहाटे पाच वाजेपर्यंत तिघे तरुण तिच्यावर अत्याचार करीत होते. अत्यवस्थ अवस्थेत सोमवारी सकाळी ही तरुणी घरी पोहोचली. यानंतर…

भडगाव, लोकशाही न्यूज नेटवर्क होमगार्ड व नागरी संरक्षण वर्धापन दिन निम्मिताने शहरात स्वच्छता अभियान राबविण्यात आले. जळगाव जिल्हा समादेशक होमगार्डस् यांच्या आदेशानुसार होमगार्ड व नागरी संरक्षण वर्धापन दिन ६ डिसेंबर रोजी ७६ वा दिन असुुन साप्ताहिक परेड प्रसंगी शहरातील पोलीस कवायत मैदान, तहसील कार्यालय परीसरात स्वच्छता अभियान राबविण्यात आले. तसेच साप्ताहिक परेड घेण्यात आली. होमगार्ड यांना होमगार्ड व नागरी संरक्षण दलातील त्यांचे कर्तव्य, जबाबदारीचे योगदान यांची जाणीव व त्याबाबतची माहिती देण्यात आली. या प्रसंगी तालुका समादेशक अधिकारी प्रशांत पवार, लिपीक हिलाल नेरपगार, होमगार्ड संजय येवले, मनोज महाजन, अशोक पाटील, अनिल वाघ, भरत चव्हाण, अनिल पाटील, वाल्मिक कोळी, अरुण शिरसाठ, शरद…

मुंबई, लोकशाही न्यूज नेटवर्क कर्नाटक महाराष्ट्र सीमावाद (Maharashtra Karnataka border dispute) दिवसेंदिवस विकोपाला जात आहे. या सीमावादावाचे पडसाद आता दोन्ही राज्यातील वाहनांवर उमटत आहे. त्यातच आता ठाकरे गटाचे खासदार संजय राऊत (MP Sanjay Raut) यांनी ‘ऊठ मराठ्या ऊठ’ अशी साद घालत केंद्र सरकारवर (Central Govt) जोरदार निशाणा साधला आहे. खासदार संजय राऊत यांनी ट्विट (Tweet) केलं आहे. दिल्लीचया पाठिंब्या शिवाय बेळगावात (Belgaum) मराठी माणूस व महाराष्ट्राच्या (Maharashtra) वाहनांवर हल्ला होऊ शकत नाही. महाराष्ट्र एकीकरण समितीच्या (Maharashtra Ekikaran Samiti) कार्यकर्त्यांना अटक झाली आहे. महाराष्ट्राचा कणा मोडून मराठी स्वाभिमान कायमचा संपविण्याचा खेळ सुरू झालाय. बेळगावातील हल्ले त्याच कटाचा भाग आहे. ऊठ मराठ्या…

धानोरा, लोकशाही न्यूज नेटवर्क: बिडगाव येथील रहीवाशी व आयटीबीपी च्या सेवत असलेल्या जवानाचा गुवाहाटी येथे उपचार घेत असतांना मृत्यू झाला आहे. त्यांच्यावर गुरुवारी सकाळी १० वाजता बिडगाव येथे अंत्यसंस्कार करण्यात येणार आहेत. (Soldier from Bidgaon martyred in Guwahati) याबाबत सविस्तर वृत्त असे की, बिडगाव येथील हिरामण झावरू पाटील यांचे सुपूत्र अशोक हिरामण पाटील (३५) हे अरुणाचल प्रदेश येथील युपीया येथे इंडियन तिबेट बॉर्डर फोर्स येथे सेवेत होते. त्यांना पाच दिवसापूर्वी डोक्यात त्रास होऊ लागला त्यामुळे त्यांची तब्येत खालावली, त्यानंतर त्यांना आसाम येथील गुवाहाटीच्या सैनिक रुग्णालयात हलविण्यात आले होते, तेथे उपचार सुरु असतांना मंगळवारी सकाळी त्यांची प्राणज्योत मालवली. त्यांचे पार्थिव…

मुंबई, लोकशाही न्यूज नेटवर्क: देवगिरी एक्स्प्रेसने कसारा स्टेशन सोडल्यानंतर दरोडेखोरांनी तासभर डब्यामध्ये अक्षरशः धुमाकूळ घातल्याची धक्कादायक घटना घडली आहे. नांदेडहून मुंबईच्या दिशेने येणाऱ्या देवगिरी एक्स्प्रेसमध्ये (Devagiri Express) आठ ते दहा दरोडेखोरांनी चाकू, ब्लेडचा धाक दाखवत दहा ते पंधरा प्रवाशांना लुटल्याची घटना मंगळवारी (6 डिसेंबर) पहाटेच्या सुमारास घडली. याबाबत रेल्वे प्रवाशांनी रेल्वे कंट्रोल रुमला माहिती देताच कल्याण रेल्वे पोलिसांनी (Kalyan Railway Police) तात्काळ कल्याण रेल्वे स्थानकावर सापळा रचत सहा दरोडेखोरांना बेड्या ठोकल्या तर दोन अल्पवयीन मुलांना देखील ताब्यात घेतले आहे. रोहित जाधव, विलास लांडगे, कपिल उर्फ प्रकाश निकम, करण वाहने, राहुल राठोड, निलेश चव्हाण अशी आरोपींची नावे आहेत तर दोन…

जळगाव, लोकशाही न्यूज नेटवर्क जळगाव (Jalgaon) शहरातील समता नगर (Samata Nagar) भागात राहणाऱ्या तरुणाने महाबळ (Mahabal) परिसरातील एका बांधकामाच्या तिसऱ्या मजल्यावरून उडी घेत आत्महत्या (suicide) केली. याबाबत रामानंदनगर पोलीस ठाण्यात (Ramanandnagar Police Station) अकस्मात मृत्यूची नोंद करण्यात आली आहे. कांतीलाल मोहन पवार असं मयत झालेल्या तरुणाचं नाव आहे. कांतीलाल पवार हा आई, पत्नी आणि तीन वर्षाचा मुलगा यांच्यासह वास्तव्याला होता. हातमजुरीचं काम करून तो आपला उदरनिर्वाह करत होता. मंगळवार 6 डिसेंबर रोजी दुपारी ४ वाजता महाबळ येथून आईसोबत येत असताना तो आईला दुकानात जातो, असं सांगून गेला. त्यानंतर महाबळ परिसरातील त्र्यंबकनगरातील बांधकाम सुरू असलेल्या एका इमारतीच्या तिसऱ्या मजल्यावरून उडी घेत…

लोकारोग्य, लोकशाही न्यूज नेटवर्क: शरीरात अतिरिक्त चरबी वाढल्यामुळे पोत तर बिघडतोच पण थायरॉईड, शुगर, बीपी (Thyroid, Sugar, BP) यांसारख्या गंभीर आजारांचा धोकाही वाढतो. त्यामुळेच आजकाल लोक वाढत्या वजनामुळे चिंतेत आहेत. ते कमी करण्यासाठी काहीतरी मार्ग शोधतात. अशा परिस्थितीत आम्ही तुम्हाला अशाच प्रभावी रेसिपीबद्दल सांगणार आहोत, ज्याचा वापर करून तुम्ही तुमच्या वाढत्या चरबीवर नियंत्रण ठेवू शकाल. आवळा हा एक असा खाद्यपदार्थ आहे जो केवळ तुमची त्वचा, केस आणि डोळे निरोगी ठेवत नाही तर चरबी वितळण्यासाठी देखील चांगले काम करतो. आवळ्याच्या चहाचे फायदे ज्यांना जिम आणि योगा सेंटरला जायला वेळ नाही त्यांच्यासाठी आवळा चहा. त्यामुळे असे लोक याद्वारे आपली चरबी…

नवी दिल्ली, लोकशाही न्यूज नेटवर्क: दुसऱ्या एकदिवसीय सामन्यात बांगलादेशने नाणेफेक जिंकून प्रथम फलंदाजी करण्याचा निर्णय घेतला, त्याच बरोबर वेगवान गोलंदाज उमरान मलिक प्लेइंग इलेव्हनमध्ये परतला आहे. दुसऱ्या वनडेत बांगलादेशने नाणेफेक जिंकून प्रथम फलंदाजी करण्याचा निर्णय घेतला. म्हणजेच भारतीय संघ प्रथम गोलंदाजी करणार आहे. उमरान मलिक भारताच्या प्लेइंग इलेव्हनमध्ये परतला आहे. उमरानला न्यूझीलंड दौऱ्यावर वनडे पदार्पण करण्याची संधी मिळाली होती. त्याचवेळी, कुलदीप सेन आजच्या सामन्यात प्लेइंग इलेव्हनचा भाग नाही. पहिल्या वनडेत बांग्लादेशने 1 विकेटने शानदार विजय मिळवला होता. त्यामुळे भारताला मालिका वाचवण्यासाठी हा सामना कोणत्याही किंमतीवर जिंकावाच लागेल. त्याचबरोबर बांग्लादेश दुसऱ्या वनडेतही बाजी मारून मालिका जिंकण्याचा पूर्ण प्रयत्न करेल. अशा…

नवी दिल्ली, लोकशाही न्यूज नेटवर्क दिवसेंदिवस वाढत्या महागाईमुळे (inflation) जनता बेजार झाली आहे. त्यातच आता कर्जाचा बोजा वाढणार आहे. कारण ऑक्टोबरनंतर पुन्हा एकदा रिझर्व्ह बँक ऑफ इंडियाने (Reserve Bank of India) आपल्या रेपो रेटमध्ये (Repo Rate) वाढ केली आहे. यामुळे सर्वसामान्य नागरिकांवर कर्ज आणि EMI चा बोजा वाढणार आहे. RBI ने 35 बेसिस पॉईंटने रेपो रेटमध्ये वाढ केली आहे. 5 ते 7 तीन दिवस मॉनिटरी पॉलिसीवर बैठक झाली. यावेळी 35 बेसिस पॉईंटने रेपो रेटमध्ये वाढ करण्याचा निर्णय घेतला आहे. आरबीआयच्या पतधोरण समितीने 35 बीपीएसने वाढवून 6.25% केली आहे. पॉलिसी रेट आता ऑगस्ट 2018 नंतर सर्वोच्च स्तरावर असल्याची माहिती शक्तिकांत दास…

मुंबई, लोकशाही न्यूज नेटवर्क: २०२२ हे वर्ष बॉलिवूडसाठी असह्य ठरले. या वर्षी भारतीय संगीत क्षेत्राला कधीही न भरून निघणारी हानी झाली. दिग्गज गायिका लता मंगेशकर आणि पंडित बिरजू महाराज यांसारख्या कलाकारांनी जगाचा निरोप घेतला. संगीताचे सेवक आणि सुमधुर संगीताने सर्वांना मंत्रमुग्ध करणाऱ्या या कलाकाराने सर्वांच्या डोळ्यात पाणी आणले. तर दुसरीकडे हसवून हसवून पोट दुखण्यास भाग पडणारे कॉमेडियन राजू श्रीवास्तव यांच्या अकाली निधनाने सर्वांनाच धक्का बसला. बॉलीवूडचे असे अनेक स्टार्स या वर्षी आपल्या सर्वांपासून कायमचे गेले. लता मंगेशकर ‘क्वीन ऑफ मेलोडी’ आणि ‘नाइटिंगेल ऑफ इंडिया’ म्हणून प्रसिद्ध असलेल्या लता मंगेशकर यांचे वयाच्या 92 व्या वर्षी मल्टिपल ऑर्गन डिसफंक्शन सिंड्रोममुळे…

लोकशाही संपादकीय लेख जळगाव जिल्ह्यात 42 वर्षापासून सुरू असलेला फैजपूर येथील मधुकर सहकारी साखर कारखाना कर्जात बुडाला. जिल्हा मध्यवर्ती सहकारी बँकेतर्फे अखेर तो कारखाना खाजगी कंपनीस विक्री करण्यात आला. कारखाना क्षेत्रातील ऊस उत्पादक शेतकऱ्यांची कारखान्यावरची मालकी गेली. ते आता खाजगी कंपनीच्या अधीन झाले. शेतकऱ्यांची सामूहिक मालकी आता खाजगी व्यक्तीकडे गेली. त्यामुळे गेली 42 वर्षे या परिसरातील शेतकऱ्यांनी आपला कारखाना म्हणून त्याचे जतन केले, त्या कारखान्याची मालकी गेल्याने शेतकरी पराधीन झाले आहेत. आपल्या हक्कासाठी संचालक मंडळाकडे मोठ्या दिमाखाने आपली बाजू मांडायचे. ते हक्क आता ऊस उत्पादक शेतकऱ्यांना राहिलेले नाही. ही परिस्थिती ऊस उत्पादकांची तीच कामगारांची सुद्धा आहे. मधुकर सहकारी साखर कारखान्यात…

जळगाव, लोकशाही न्यूज नेटवर्क  स्व. वसंतराव चांदोरकर स्मृती प्रतिष्ठानचे विश्वस्त व विवेकानंद केंद्र कन्याकुमारी शाखा जळगावचे माजी अध्यक्ष दत्तात्रय सोमण यांच्या पत्नी कुमुदिनी दत्तात्रय सोमण यांना वयाच्या ८० व्या वर्षी सकाळी ५.३० वाजता देवाज्ञा झाली. त्यांनी देहदानाचा संकल्प केला असल्याने त्यांचा देह आजच सकाळी १०.३० वाजता डॉ. उल्हास पाटील मेडिकल कॉलेज, साकेगाव येथे देह सुपूर्त करण्यात आला. त्यांच्या पश्चात त्यांना दोन मुली दीपिका चांदोरकर व अनघा देशपांडे असून तीन जावई नातवंडे, नातसुना, पणतु व पणत्या आहेत.

जामनेर, लोकशाही न्यूज नेटवर्क: तालुक्यातील गोद्री येथे गोरबंजारा, लबाना-नायकडा समाजाचा कुंभमेळा आयोजित करण्यात आला आहे. त्या संदर्भात जय्यत तयारी युद्धपातळीवर सुरु आहे, त्या अनुषंगाने महाकुंभ स्थळाच्या तयारीची पाहणी राज्याचे ग्रामविकास तथा क्रिडा व युवक कल्याण मंत्री गिरीश महाजन यांनी केली. त्याच बरोबर गोद्री- फत्तेपुर भागातील सुरू असलेल्या विकास कामांचीही माहिती व प्रत्यक्षात संबंधीत ठिकाणी जाऊन पाहणी केली. आणि सोबत असलेल्या सार्वजनीक बांधकाम विभागाच्या अधिकाऱ्यांना महत्वाच्या सुचना देखील दिल्या आहेत. यावेळी मंत्री गिरीश महाजनांसोबत जिल्हा परिषदेचे सदस्य अमीत देशमुख, बांधकाम विभागाचे आर डी पाटील, आरोग्यसेवक रामेश्वर नाईक, दिनेश गोडंबे, बबलू भन्साली, रवींद्र चौधरी, युवराज पाटील, उत्तम राठोड, भगवान मंझा, नितू…

जळगाव, लोकशाही न्यूज नेटवर्क सारं विश्व व्यापून आहे. आईची महत्ता यथार्थपणे सांगायचे झाल्यास ‘पृथ्वीची क्षमता आणि पाण्याची रसता पहावयाची असेल तर, ती ‘आई’ जवळच आहे. ‘आई ‘ हेच वात्सल्याचे धन…! ही प्रस्तावना मांडण्याचे कारण की, विवरा (ता.रावेर) च्या माजी शिक्षिका गोदावरी वासुदेव पाटील यांचा मातृत्व वंदन सोहळा 7 डिसेंबर 2022 रोजी डॉ. उल्हास पाटील वैद्यकीय महाविद्यालयात साजरा होणार आहे. मातोश्रीचा वाढ दिवस म्हणून त्या निमित्त हा सोहळा नाही तर आईच्या ऋणात राहून आगळा वेगळा आणि समाजासाठी प्रेरक ठरावा या दृष्टिकोनातून त्यांचे पुत्र सुभाष, डॉ. उल्हास पाटील आणि कन्या प्रमिला या बहीण भावंडांनी आयोजित केलेला हा सोहळा आहे. डॉ. उल्हास पाटील…

हरिद्वार, लोकशाही न्यूज नेटवर्क: काही कथानक हे चित्रपटाला शोभणारे असतात, त्यावर अगदी हिट असा चित्रपट तयार होऊन धमाल उडवून देतो. काही वर्षांपूर्वी प्रेमी युगुलांवर आलेला सैराट सर्वांच्याच लक्षात आहे. अशीच एक घटना उघडकीस आली आहे. मात्र इथ प्रकरण थोड अजब आहे. आपल्या पोटच्या मुलीचं लग्न अवघ्या १० दिवसांवर असतांना आईनेच चक्क आपल्या प्रियकरासोबत धूम ठोकली आहे. सोबत जातांना तिने दागिनेही लंपास केले. मुलीचं लग्न अवघ्या १० दिवसांवर येऊन ठेपलं. संपूर्ण घरात लगीनघाई सुरू होती. वधू आणि वर पक्षाकडून दाग-दागिन्यांची खरेदी सुद्धा झाली. अशातच आपल्याकडे कुणाचं लक्ष नाही, याचा फायदा घेत मुलीच्या आईने आपल्या प्रियकरासोबत धूम ठोकली. एवढंच नाही तर…

मुंबई, लोकशाही न्यूज नेटवर्क ज्येष्ठ नाट्यकर्मी मोहनदास सुखटणकर (Mohandas Sukhtankar) यांनी वयाच्या 93 मुंबईतल्या राहत्या त्यांनी अखेरचा श्वास घेतला. मोहनदास सुखटणकर यांनी गोवा हिंदू असोसिएशनच्या माध्यमातून दीर्घकाळ नाट्यसेवा केली. तसेच त्यांच्या नाट्य प्रवासात ‘दी गोवा हिंदू असोसिएशन’ला महत्त्वाचे स्थान आहे. या संस्थेत अगोदर त्यांनी कलाकार म्हणून प्रवेश केला आणि नंतर ते ‘कार्यकर्ता’ भूमिकेत वावरले. रायगडाला जेव्हा जाग येते, लेकुरे उदंड झाली, अखेरचा सवाल, दुर्गा, स्पर्श, आभाळाचे रंग आणि मस्त्यगंधा या नाटकांमध्ये त्यांमी काम केलं. नाटकांप्रमाणेच त्यांनी ‘कैवारी’, ‘जावई माझा भला’, ‘चांदणे शिंपीत जा’, ‘थोरली जाऊ’, ‘वाट पाहते पुनवेची’, ‘जन्मदाता’, ‘पोरका’, ‘प्रेमांकुर’, ‘निवडुंग’ या मराठी चित्रपटांतही काम केले आहे. मोहनदास श्रीपाद…

भडगाव, लोकशाही न्यूज नेटवर्क भडगाव तालुक्यातील शिंदी येथील नाना उखा मराठे (वय ५८) या वृद्धास जमिनीच्या मालकी हक्काच्या कारणावरून दमदाटी करीत जिवे मारण्याची धमकी दिली. तसेच आत्महत्येस प्रवृत्त केल्याप्रकरणी १५ जणांवर भडगांव पोलिस स्टेशनला गुन्हा दाखल करण्यात आला आहे. तालुक्यातील शिंदी येथील नाना उखा मराठे (वय ५८) या वृद्धास जमिनीच्या मालकी हक्काच्या कारणावरून दमदाटी करीत जिवे मारण्याची धमकी दिली. मयत नाना उखा मराठे यांनी १३ नोव्हेंबर रोजी शिंदी शिवारातील गट नं ३६३ मधील शेतातील निंबाच्या झाडाच्या फांदीला दोरी बांधुन गळफास घेतला होता. याबाबत भडगाव पोलिस स्टेशनला सी.आर.पी.सी १७४ प्रमाणे अकसमात मुत्युची नोंद दाखल करण्यात आली होती. चौकशी वरून यातील आरोपी…

मनवेल, ता. यावल, लोकशाही न्युज नेटवर्क साकळी येथील बसस्टँडची फार मोठया प्रमाणात पडझड झाल्याने दुरावस्था झालेली आहे. तर आता हे बसस्टँड शेवटची घटिका मोजत असून बसस्टँड नुसते नावालाच उरले आहे. या बसस्टँडमध्ये बसायला जागा नसल्यामुळे महिला प्रवाशांना कुठे बसावे ?असा प्रश्न पडत असतो. सदर बसस्टँड लवकरात लवकर दुरुस्त करावे अशी मागणी साकळीसह परिसरातील प्रवासी नागरिक करीत आहे. साकळी हे गाव मोठे आहे. साकळी गावाला परिसरातील जवळपास सात ते आठ खेडे सुद्धा लागून आहे. साकळीसह परिसरातील नागरिकांना दुरच्या ठिकाणी प्रवास करण्यासाठी साकळी बसस्टँडवर यावे लागते. या ठिकाणी थांबून बसची वाट पाहवी लागते. मात्र या प्रवाशांना बसण्यासाठी या ठिकाणी फार जुन्या बांधकामाचे…

भडगाव, लोकशाही न्यूज नेटवर्क शहरातील बढे सर कॉम्प्लेक्सच्या मागील बाजूस लावलेली बजाज पल्सर गाडीला मास्टर चाबीच्या सहाय्याने चोरी करताना रंगेहाथ पकडला. याबाबत भडगाव पोलिस स्टेशनला गुन्हा दाखल करण्यात आला आहे. फिर्यादी योगेश शांताराम शेलार (वय 25, धंदा. सुतारकाम रा. भडगाव) याने दि. 5 रोजी दुपारी चार वाजता त्याची पल्सर गाडी ही त्याच्या दुकानासमोर लावली होती. त्यावेळी एक तरुण त्या गाडीचे वायरी तोडून त्याच्या जवळील 5 ते 6 मास्टर चावीच्या सहाय्याने चोरी करण्याच्या ईराद्याने घेऊन जात असताना रंगेहाथ पकडला गेला. त्याला पोलिस स्टेशनला आणले असता तो चोरी करत असल्याची कबुली पोलिसांना दिली. म्हणून आरोपी समाधान मांगो भिल्ल रा. निंभोरा ता. भडगाव…

जळगाव, लोकशाही न्यूज नेटवर्क शिरसोली गावाजवळील हनुमान मंदिराजवळ सायंकाळी ६.३० वाजता दुचाकीला भरधाव कारने समोरून धडक दिली. हा अपघात एवढा भीषण होता की दुचाकीवरील मित्रांचा कारच्या धडकेत जागीच मृत्यू झाला. तर दुचाकी आणि कारचे मोठ्या प्रमाणात नुकसान झाले. रफिक हुसेन मेवाती (वय २३) व अरबाज जहांगीर मेवाती (२०, दोन्ही रा. राणीचे बांबरूड, ता. पाचोरा) असे मृत मित्रांचे नावे आहेत. राणीचे बांबरूड येथे रफिक मेवाती हा आई-वडील, तीन भाऊ व बहिणीसह वास्तव्यास होता. तो जळगाव शहरातील मास्टर कॉलनीमध्ये पेरू विक्री करायचा. नेहमीप्रमाणे सोमवारी सुध्दा रफिक मास्टर कॉलनीमध्ये पेरू विक्रीसाठी आला होता. दुसरीकडे त्याचा मित्र अरबाज याने दहा ते पंधरा दिवसांपूर्वी नवीन…

पुणे, लोकशाही न्यूज नेटवर्क देशसेवेसाठी लष्करात महिलांना संधी मिळावी तसेच त्यांना देशसेवेची जबाबदारी पार पाडता यावी, या अनुषंगाने भारतीय सैन्यदलाच्या येथील दक्षिण मुख्यालयाकडून महिलांसाठी लष्करी पोलिस भरती मेळाव्याचे आयोजन करण्यात आले आहे. ही प्रक्रिया अग्निवीर भरती प्रक्रियेअंतर्गत सोमवार (ता. ६) ते रविवार (ता. ११) या कालावधीत खडकी येथील बीईजी अँड सेंटर येथे पार पडणार आहे. यात महाराष्ट्र, गोवा, गुजरात आणि दमणमधील तरुणींना सहभागी होता येणार आहे. ही प्रक्रिया शारीरिक, वैद्यकीय व लेखी परीक्षा अशा तीन टप्प्यांत पूर्ण होणार आहे. शारीरिक आणि वैद्यकीय चाचणी यशस्वीपणे पूर्ण करणाऱ्या उमेदवारांना लेखी परीक्षा देता येणार आहे. तसेच गुणवत्तेवर आधारित अंतिम उमेदवारांची निवड केली जाणार…

भडगाव (सागर महाजन), लोकशाही न्यूज नेटवर्क भडगाव पोलिस स्टेशनला कार्यरत असलेले व कजगाव बीट (पोलिस चौकी) येथे येथे सेवा बजावणारे पोलिस कॉन्स्टेबल गणेश विलास कुमावत मु.पो.बेलदारवाडी ता.चाळीसगाव जि जळगाव हे खात्याअंतर्गत परीक्षा देत पी. एस. आय. परीक्षेत पास झाले असून काही दिवसात ते ट्रेनिंगसाठी रवाना होणार आहेत. गणेश कुमावत हे एका शेतकऱ्याचे पुत्र आहे. आदिवासी आश्रमशाळेत शिक्षण घेऊन डी.एड केले. पोलिस कॉन्स्टेबल ते पी. एस. आय. असा त्यांचा थक्क करणारा प्रवास आहे. गणेश कुमावत यांची पी. एस.आय पदी निवड झाल्याने सर्वत्र अभिनंदनाचा वर्षाव होत आहे. याबाबत भडगाव पोलिस निरीक्षक अशोक उतेकर, सहाय्यक पोलिस निरीक्षक चंद्रसेन पालकर, पोलिस उपनिरीक्षक गणेश वाघमारे…

अमळनेर, लोकशाही न्यूज नेटवर्क महावितरणचा (Mahavitaran) तंत्रज्ञ आणि अभियंता यांनी वीज मिटर (Electricity meter) बदलण्यासाठी लाचेची मागणी केल्याप्रकरणी लाचलुचपत प्रतिबंधक खात्याच्या (Anti Corruption Bureau) पथकाने सापळा रचून त्यांना अटक केली आहे. अमळनेर (Amalner) शहरात आज लाचलुचपत प्रतिबंधक खात्याने कारवाई करून महावितरणच्या दोन कर्मचाऱ्यांना अटक केली. याप्रकरणी तक्रार करणारे अमळनेर शहरातील रहिवासी आहेत. अमळनेर येथे स्वतःच्या मालकीच्या घरात घरगुती वापराचे विज कनेक्शन आहे. हे मिटर सुमारे पाच महिन्यांपासून बंद पडले असल्याने तक्रारदार यांना दरमहा सरासरी रकमेची बिल आकारणी होत होती. ते या बिलाची नियमित भरणा करीत होते. १० दिवसांपुर्वी कनिष्ठ अभियंता वैभव देशमुख, म.रा.वि. वि.क मर्या.अमळनेर शहरी विभाग कक्ष १ हे…

जळगाव, लोकशाही न्यूज नेटवर्क लगीनसराईत सोन्याची खरेदी वाढलेली आहे. आठवड्याच्या सुरवातीपासूनच सोने चांदीच्या दरात तेजी दिसून येत आहे. सोमवारीसुद्धा सोने चांदीच्या दरात (Gold Silver Rate) तेजी दिसून आली होती तर आजही सोने चांदीच्या दरात तेजी दिसून येत आहे. सोन्याच्या दरात तेजी कायम असली तरी सोन्याची मागणी वाढत आहे. आज 22 कॅरेटसाठी 10 ग्रॅम सोन्याचा दर 49,600 तर 24 कॅरेट साठी 54,110 रुपये आहे. तर चांदी प्रति किलो 66,200 रुपये आहे. 24 कॅरेट सोन्याचा भाव चेन्नई – 55,040 रुपये दिल्ली – 54,260 रुपये हैदराबाद – 54,110 रुपये कोलकत्ता – 54,110 रुपये लखनऊ -54,260 रुपये मुंबई – 54,110 रुपये नागपूर – 54,110…

जळगाव, लोकशाही न्यूज नेटवर्क जून्या वादातून दोन तरुणांवर चॉपर हल्ला झाल्याची घटना रविवारी रात्री ८ वाजेच्या सुमारास जळगाव शहरातील रामेश्वर कॉलनी परिसरात घडली. या हल्ल्यात नितीन निंबा राठोड (वय 24) आणि सचिन कैलास चव्हाण (वय 22) हे दोन जण गंभीर जखमी झाले आहेत. तर नितीन राठोड याची प्रकृती चिंताजनक असून त्याच्यावर उपचार सुरु आहे. नितीन राठोड व सचिन चव्हाण हे जळगावातील रामेश्वर कॉलनीमध्ये राहतात. लग्नात नाचण्याच्या कारणावरुन मेहरुण परिसरातील तुषार सोनवणे यांच्यासोबत त्यांचा वाद झाला होता. या वादामुळे रविवारी रात्री सव्वाआठ वाजेच्या सुमारास नितीन हा घराबाहेर उभा असतांना तुषार सोनवणे हा कारमध्ये काही तरुणांसोबत आला. त्याने नितीनला जवळ बोलावून घेत…

पारोळा, लोकशाही न्यूज नेटवर्क  पारोळा तालुक्यातील चोरवड हे प्रभूदत्त महाराजांचे जागृत देवस्थान म्हणून ओळखले जाते. येथील यात्रोत्सवास भाविकांची मोठ्या प्रमाणात गर्दी होत असते. मार्गशीष महिन्याच्या पौर्णिमेला यात्रोत्सवाला सुरुवात होते. तसेच यावर्षी देखील बुधवार दि. ७ पासून यात्रोस्तवास प्रारंभ होणार आहे. चोरवड येथे सुमारे ४०० वर्षापासून दत्त जयंती साजरी केली जाते. गावाच्या पश्चिम दिशेला श्री दत्त महाराजांच्या दोन मंदिरात स्वतंत्र लहान व मोठ्या मूर्ती इ.स. १६०२ मध्ये स्थापना करण्यात आल्या आहेत. याबाबत सांगितले जाते की, रावजी बुवा नामक व्यक्ती गावाबाहेर वास्तव करत असे. बाबा महानुभाव भिक्षुकी असल्याने बुवा भिक्षुकी करून आपला उदरनिर्वाह करीत असे. रावजी बुवा नियमित माहुर गडाची वारी करीत…

जळगाव, लोकशाही न्यूज नेटवर्क लगीनसराई सुरु असल्याने सोन्याची प्रचंड प्रमाणात खरेदी केली जात आहे. सोने चांदीच्या दरात वाढ झाली असली तरी देखील सोने चांदीची मागणी वाढली आहे. तसेच आगामी काळात अजून सोन्याचे दर वाढण्याची शक्यता सुवर्ण व्यावसायिकांनी वर्तविली आहे. जळगाव येथील सराफ व्यापाऱ्यांनी दिलेल्या माहितीनुसार, आजचे सोन्याचे दर 53250 रुपये आहेत, तर चांदीचे दर 65000 रुपये आहेत.

जळगाव, लोकशाही न्यूज नेटवर्क भारतीय जनता पार्टी (BJP) महिला आघाडीच्या जळगाव ‘महिला मेळावा’ दि ६ रोजी मंगळवारी आयोजित करण्यात आला आहे. या मेळाव्यास महिला मोर्चा प्रदेशाध्यक्ष चित्रा वाघ (BJP leader Chitra Wagh) उपस्थित राहणार आहेत. हा मेळावा जळगाव शहरातील बळीराम पेठमधील ब्राम्हण सभा येथे दि. ६ रोजी मंगळवारी दुपारी १२ वाजता होणार आहे. यावेळी चित्रा वाघ महिलांच्या विविध समस्यांवर मार्गदर्शन करणार आहेत. तरी शहरातील जास्तीत जास्त महिलांनी उपस्थित रहावे असे आवाहन जिल्हा महिला मोर्चा जिल्हाध्यक्ष दिप्ती चीरमाडे यांनी केले आहे.

विशेष संपादकीय तथाकथित घरकुल घोटाळा प्रकरणात (Gharkul scam case) अटकेत असलेले जळगाव जिल्ह्याचे नेते माजी मंत्री सुरेश दादा जैन (Former Minister Suresh Dada Jain) यांना हायकोर्टाकडून (High Court) नियमित जामीन मिळाला आहे. हायकोर्टाच्या या निर्णयाचे महाराष्ट्रात विशेषता जळगाव (Jalgaon) व जिल्ह्यात जोरदार स्वागत होत आहे. जळगाव शहरात तर त्यांच्या समर्थक कार्यकर्त्यांनी जल्लोष केला. गेल्या सात आठ वर्षापासून अनेक समस्यांनी जळगावकर (Jalgaonkar) नागरिक त्रस्त आहेत. जळगाव शहराची अवस्था बिकट आहे. शहराला कोणी वाली उरला नाही. अशा प्रसंगी जळगावकरांना पुन्हा सुरेश दादा जैन यांच्या नेतृत्वाची आठवण झाली, आणि सुरेश दादा जैन यांना हायकोर्टाने जामीन मंजूर केल्याचे वृत्त आले. हा एक योगायोगच म्हणावा…

नवी दिल्ली, लोकशाही न्यूज नेटवर्क वाढत्या महागाईत (inflation) दिलासा देणारी बातमी आहे. खाद्यतेलाच्या किंमती (Edible Oil price) अजून स्वस्त होणार आहेत. यामुळे ग्राहकांना मोठा दिलासा मिळणार आहे. विदेशातून आयात करण्यात येणाऱ्या खाद्य तेलाच्या किंमती घसरल्याने खाद्य तेलाच्या बाजारात मोहरी (Mustard), सोयाबीन (Soybean), शेंगदाण्यासहित तिळाच्या तेलाच्या किंमतीत घसरण नोंदविण्यात आली आहे. परदेशातून आयात खाद्यतेलाच्या (Imported Oil) किंमतीत कमालीची घसरण झाली आहे. मिळालेल्या माहितीनुसार, सध्या आयात तेलापेक्षा देशातील खाद्य तेलाचे दर जास्त आहेत. एका व्यक्तीसाठी एका दिवशी 50 ग्रॅम तेलाचा वापर होत असला तरी देशातील महागाईवर त्याचा परिणाम दिसून येतो. खाद्यतेलाच्या किंमतीचा बऱ्याच क्षेत्रावर परिणाम होतो.

नवी दिल्ली, लोकशाही न्यूज नेटवर्क नुकताच दृश्यम 2 (Drishyam 2) चित्रपट प्रदर्शित झाला आहे. या चित्रपटाने बॉक्स ऑफिसवर चांगलीच जादू केली आहे. ‘दृश्यम’ हा पहिला चित्रपट प्रेक्षकांच्या पसंतीस उतरला होता. अजूनही 2 ऑक्टोबरला सत्संगवरून सोशल माध्यमांवर मीम्स व्हायरल होत असतात. त्यामुळे दृश्यम 2 बॉक्स ऑफिसवर कितपत यश मिळवतो याची प्रत्येकाला उत्सुकता होती. आता या चित्रपटाने मोठी कमी केली आहे. आत्तापर्यंत ‘दृश्यम 2’ ने बॉक्स ऑफिसवर 160 कोटींची कमाई केली आहे. अजय देवगणच्या या चित्रपटाने भारतीय प्रेक्षकांची मने जिंकली आहेत. या चित्रपटाचा अप्रतिम थ्रिलर सस्पेन्स प्रेक्षकांना चित्रपटगृहाकडे खेचत आहे. जवळपास 1 कोटी लोकांनी हा सिनेमा सिनेमागृहात पाहिला आहे. अजय देवगणचा गेल्या…

मध्य प्रदेश, लोकशाही न्यूज नेटवर्क साईंच्या दर्शनासाठी गेलेल्या एका भाविकाचा हृदयविकाराच्या झटक्याने मंदिरातच मृत्यू झाल्याची दुःखद घटना समोर आली आहे. मृत व्यक्तीचे नाव राकेश मेहाणी असे आहे. राकेश गुरुवारी मध्य प्रदेशच्या कटनी येथे साईमंदिरात आले होते. दर्शन घेताना ते नतमस्तक झाले आणि तिथेच त्यांनी जीव सोडला. ते बराच वेळ खाली वाकून होते. त्यामुळे मंदिरातील पुजाऱ्यांनी त्यांना आवाज दिला. मात्र त्यांनी काहीच प्रतिक्रिया दिली नाही. दरम्यान उपस्थित व्यक्तींनी तात्काळ त्यांना रुग्णालयात दाखल केले. तेव्हा हृदयविकाराच्या झटक्याने त्यांचे निधन झाल्याचे डॉक्टरांनी सांगितले. https://twitter.com/NarendraNeer007/status/1599226620912734208?s=20&t=e6Zmcz46V9qwUCgGWqYFqg या धक्कादायक घटनेने हळहळ व्यक्त होत आहे. वयाच्या ४२ व्या वर्षी राकेश यांचा मृत्यू झाला. सदर घटना मंदिरात असलेल्या…

मुक्ताईनगर, लोकशाही न्यूज नेटवर्क मुक्ताईनगर (Muktainagar) तालुका ८२ गावांचा तालुका मुख्यालय ठिकाण असलेल्या मुक्ताईनगर येथे सर्व शासकीय कार्यालय वेगवेगळ्या ठिकाणी असल्याने नागरिकांना प्रशासकीय कामकाजासाठी भटकंती करावी लागत होती. त्यामुळे वेळेचा अपव्यय होऊन त्यांना त्रास सहन करावा लागत होता. त्यामुळे आमदार चंद्रकांत पाटील (MLA Chandrakant Patil) यांनी तत्कालीन महाविकास आघाडी सरकार असताना तत्कालीन महसूल मंत्री बाळासाहेब थोरात यांच्याकडे २०.०१.२०२२ रोजी तसेच नवीन शिंदे फडणवीस सरकारमधील आताचे महसूल मंत्री राधाकृष्ण विखे पाटील यांच्याकडे दि.१८ ऑगस्ट २०२२ गुरुवार रोजी लेखी पत्रव्यवहार करून मुक्ताईनगर येथे मध्यवर्ती प्रशासकीय इमारतीच्या बांधकाम मंजुरीसाठीची मागणी केली होती. यासाठी त्यांच्या सूचनेनुसार सार्वजनिक बांधकाम विभागाकडून अंदाज पत्रक तयार करून शासनाकडे…

जळगाव, लोकशाही न्यूज नेटवर्क काही दिवसांपूर्वी राज्यपाल भगतसिंह कोश्यारी (Governor Bhagat Singh Koshyari), भाजप नेते मंत्री मंगलप्रभात लोढा (Minister Mangalprabhat Lodha) यांनी शिवरायांबद्दल वादग्रस्त वक्तव्य केलं होतं. त्यावरून वाद निर्माण झाला होता. त्यातच आता भाजप आमदार प्रसाद लाड (BJP MLA Prasad Lad) यांनी देखील वादग्रस्त वक्तव्य केलं आहे. छत्रपती शिवाजी महाराज (Chhatrapati Shivaji Maharaj) यांचा जन्म कोकणामध्ये झाला होता, असं वक्तव्य भाजप आमदार प्रसाद लाड यांनी केलं आहे. दरम्यान प्रसाद लाड यांच्या या वक्तव्यानंतर तीव्र संतापाची लाट निर्माण झाली आहे. यावर आता मंत्री गुलाबराव पाटील (Minister Gulabrao Patil) यांनी प्रतिक्रिया दिली आहे. गुलाबराव पाटील यांनी प्रसाद लाड यांच्यावर जोरदार टीका…

लोकशाही न्यूज नेटवर्क जगभरात कोरोना (Corona) विषाणूने थैमान घातले होते. आता कुठे तरी जग या भयंकर संकटातून बाहेर पडत आहे. त्यातच आता परत नव्या विषाणूमुळे जगाची चिंता वाढली आहे. कतारमध्ये (Qatar) कोविड सारख्या अतिशय संसर्गजन्य अशा विषाणूचा संसर्ग झाला आहे. सध्या सौदी अरेबियातील कतार येथे सध्या फिफा फुटबॉल विश्वचषक स्पर्धेचं (FIFA World Cup 2022) आयोजन करण्यात आलं आहे. यासाठी जगभरातील फुटबॉल चाहते कतारमध्ये पोहोचले आहेत. मात्र या चाहत्यांद्वारे हा नवा विषाणू जगभरात पसरेल, अशी भीती शास्त्रज्ञांनी व्यक्त केली आहे. कतारमध्ये कॅमल फ्लू (Camel Flu) या रोगाचा प्रसार होताना पाहायला मिळत आहे. कॅमल फ्लू काय आहे ? कॅमल फ्लू अतिशय वेगाने…

भुसावळ, लोकशाही न्यूज नेटवर्क भुसावळ शहरातील श्रीनगर परिसरात राहणाऱ्या महिलेचे बंद घर फोडून २ लाख ५६ हजार रुपये किंमतीचे सोन्याचे दागिने अज्ञात चोरट्यांनी लंपास केल्याची घटना उघडकीस आली आहे. याप्रकरणी भुसावळ शहर पोलीस ठाण्यात गुन्हा दाखल करण्यात आला आहे. हेमा अर्जुन ढोलपूरे (वय २७, रा. श्रीनगर विठ्ठल मंदीरासमोर भुसावळ) हे २५ नोव्हेंबर ते २९ नोव्हेंबर दरम्यान त्या बाहेरगावी गेल्या होत्या. दरम्यान अज्ञात चोरट्यांनी बंद घर फोडून कपाटात ठेवलेले सोन्याचे दागिने लंपास केले. यात एकुण १ लाख रूपयाची रोकड आणि १ लाख ५६ हजार रुपये किंमतीचे सोन्याचे दागिने असा एकूण २ लाख ५६ हजार रूपयाचा मुद्देमाल चोरून नेला. याप्रकरणी सदर महिलेने…

सावदा, लोकशाही न्यूज नेटवर्क सावदा येथील भाजपचे शहराध्यक्ष जितेंद्र भारंबे यांच्यावर २८ नोव्हेंबर रोजी रात्री प्राणघातक हल्ला झाला होता. याप्रकरणी १३ आरोपींना अटक करण्यात आले आहे. दिनांक २८ नोव्हेंबर रोजी रात्री साडेनऊ वाजेच्या सुमारास भारतीय जनता पक्षाचे शहराध्यक्ष जितेंद्र भारंबे यांना दिनांक २८ नोव्हेंबर रोजी रात्री साडेनऊ वाजेच्या सुमारास कत्तलखान्याजवळ काही मुलांना जमाव मारहाण करत असल्याची माहिती मिळाली. यावेळी ते आपल्या दुचाकीवरून तेथे गेले. याप्रसंगी बिलाल कुरेशी, अशफाक कुरेशी व कादीर कुरेशी यांच्यासह सुमारे ४० जणांच्या जमावाने त्यांच्यावर प्राणघातक हल्ला केला होता. जमावाने जितेंद्र भारंबे यांच्यासह इतरांवर लाठ्या-काठ्या आणि तलवारीने हल्ला केला. तसेच त्यांना पिस्तुलने धमकावून पिस्तुलीच्या दस्त्याने त्यांना मारहाण…

जळगाव, लोकशाही न्यूज नेटवर्क वाघूर धरणाच्या (Waghur Dam) भिंतीजवळ असलेल्या झाडाला गळफास घेवून तरुणाने आत्महत्या केल्याची घटना उघडकीस आली आहे. अरुण रामकृष्ण कोळी (वय ३४, रा. कंडारी ता. जळगाव) असे या तरुणाचे नाव आहे. याप्रकरणी नशिराबाद पोलिसात शनिवारी 3 डिसेंबर रोजी अकस्मात मृत्यूची नोंद करण्यात आली आहे. अरुण कोळी हा तरुण जळगाव तालुक्यातील कंडारी येथे वास्तव्यास होता. तो १ डिसेंबर रोजी सकाळी ११ वाजेच्या सुमारास घरातून निघून गेला होता. रात्री उशिरापर्यंत घरी न परतल्यामुळे त्याच्या नातेवाईकांनी शोध घेतला. अरुणचे काका बापू कोळी यांच्यासह नातेवाईक परिसरातील जंगलात अरुणचा शोध घेत असताना ते वाघूर धरणाच्या परिसरात गेले. दरम्यान याठिकाणी धरणाच्या भिंतीला लागून…

नवी दिल्ली, लोकशाही न्यूज नेटवर्क महाराष्ट्रातील विमानसेवांना गती देण्यासाठी नागरी उड्डाण मंत्रालयातर्फे विशेष प्रयत्न केले जातील अशी ग्वाही केंद्रीय विमान वाहतूक मंत्री ज्योतिरादित्य सिंधिया यांनी दिली. महाराष्ट्र चेंबर ऑफ कॉमर्स अँड इंडस्ट्रीजचे अध्यक्ष ललित गांधी व पदाधिकाऱ्यांना सिंधिया यांनी बैठकीसाठी दिल्ली येथे आमंत्रित केले होते. सदर बैठकीत चर्चा करताना त्यांनी ही ग्वाही दिली. महाराष्ट्र चेंबर ऑफ कॉमर्सचे अध्यक्ष ललित गांधी यांनी महाराष्ट्रातील विविध विमानतळांच्या सद्यस्थितीचा व महाराष्ट्राच्या अपेक्षांचा अहवाल त्यांना सादर केला. विशेषता जळगाव, नांदेड, गोंदिया व लातूर या विमानसेवेसाठी पूर्ण असलेल्या विमानतळावरून त्वरित विमानसेवा सुरू करावी अशी आग्रही मागणी केली. राज्यातील विविध विमानतळांच्या प्रश्नी महाराष्ट्र चेंबर आँफ काँमर्सचे अध्यक्ष…

जळगाव, लोकशाही न्यूज नेटवर्क अभियांत्रिकीतील विविध पैलूंचा अभ्यास करत जगातील कुठल्याही समस्यांवर शाश्वत पर्याय व मार्ग काढून ते टिकावं यासाठी “केसेस इन एप्लीकेशन सस्टेनेबल इंजीनियरिंग सॉल्यूशन” या विषयावर जी. एच. रायसोनी इन्स्टिट्यूट ऑफ इंजिनियरिंग अँड बिझनेस मॅनेजमेंट महाविद्यालयात द इन्स्टिट्यूशन ऑफ इंजिनिअर्स, इंडियन वाॅटर वर्क्स असोसीएशन, इन्स्टिट्यूटशन इनोव्हेशन कॉन्सिल तसेच मॅकेनिकल अभियांत्रिकी विभाग, सिव्हील अभियांत्रिकी विभाग, इलेक्ट्रिकल अभियांत्रिकी विभाग व इलेक्ट्रॉनिक अभियांत्रिकी विभाग यांच्या संयुक्त विद्यमाने राष्ट्रीय परिषदेचे आयोजन करण्यात आले होते. वीरमाता जिजाबाई टेक्नॉलोजी इन्स्टिट्यूटमधील प्रा. हरीश चौधरी यांच्या हस्ते उद्घाटन करण्यात आले. यावेळी त्यांनी नमूद केले की, प्रत्येक क्षेत्रात विविध समस्या आहेत पण त्यावरील उपाय हे अभियांत्रिकी क्षेत्रातील…

नवी दिल्ली, लोकशाही न्यूज नेटवर्क औषंधाची (Medicines) सत्यता पडताळण्यासाठी केंद्र सरकारने (Central Govt) मोठा निर्णय घेतला आहे. आता पुढील वर्षांपासून औषधांवर बारकोड अथवा क्यूआर कोड (QR Code) लावणे अनिवार्य होणार आहे. देशात विक्री होणाऱ्या औषधांच्या पाकिटांवर बारकोड अनिवार्य करण्यासाठी केंद्र सरकारने मागील वर्षी Drugs and Cosmetic Rules, 1945 कायद्यात दुरुस्ती करत त्यात अनुसूची एच2 (Schedule H2) जोडली. या निर्णयामुळे उत्पादन आणि वितरण साखळीच्या माध्यमातून औषधांची सत्यता पडताळता येणार असून बनावट औषधांना आळा बसणार आहे. पुढील वर्षी 1 ऑगस्ट 2023 पासून याची अंमलबजावणी करण्यात येणार आहे. या निर्णयाला ‘औषधांचा आधारकार्ड’ असे म्हटले जाणार आहे. या युनिक क्यूआर कोडमध्ये औषधाबाबतची सर्व माहिती…

पाचोरा, लोकशाही न्युज नेटवर्क पाचोरा (Pachora) तालुक्यातील लासगाव (Lasgaon) येथून ३० वर्षीय विवाहिता अचानक बेपत्ता (missing) झाल्याचा प्रकार उघडकीस आला आहे. याप्रकरणी पतीच्या फिर्यादीवरून पाचोरा पोलिस स्टेशनमध्ये (Pachora Police Station) पत्नी बेपत्ता झाल्याची नोंद करण्यात आली आहे. याबाबत पाचोरा पोलिसांकडून मिळालेल्या माहितीनुसार, लासगाव ता. पाचोरा येथील वैशाली सुनिल बडगुजर (वय ३०) ही विवाहिता २ डिसेंबर रोजी रात्री ८ वाजेपासून ते ३ डिसेंबर दुपारी १ वाजेच्या दरम्यान लासगाव येथुन अचानक बेपत्ता झाली आहे. पती सुनिल बडगुजर यांच्या फिर्यादीवरून पाचोरा पोलिस स्टेशनमध्ये पत्नी वैशाली ही बेपत्ता झाल्याची नोंद करण्यात आली असून वैशाली सुनिल बडगुजर हिचा शोध पोलिस निरीक्षक प्रताप इंगळे यांच्या मार्गदर्शनाखाली…

भडगाव (सागर महाजन), लोकशाही न्यूज नेटवर्क  भडगाव ग्रामीण रुग्णालयात (Bhadgaon Gramin Rugnalaya) पुर्णवेळ डॉक्टर नाहीत तसेच वैद्यकीय अधिकाऱ्यांचे सहकार्य लाभत नाही. सदर दवाखान्यात प्रसूतीसाठी तज्ञ डॉक्टर उपलब्ध नसल्याने पेशंटला जळगाव घेऊन जा असे सांगितले जाते. मात्र रुग्णाची अनेकदा काही कारणास्तव रुग्णाला जळगावला (Jalgaon) नेणे शक्य नसते. त्यामुळे नाईलाजास्तव रुग्णाला खाजगी हॉस्पिटलमध्ये ऍडमिट करावे लागले. वास्तविक सदर पेशंटला दवाखान्यात नेण्याच्या तीन दिवसांपूर्वीच डॉक्टरांनी पेशंटला दवाखान्यात आणा आम्ही सिजर करून देऊ असे सांगितले होते. परंतु सदर पेशंटला दवाखान्यात नेले असता सिजर डिलिव्हरी करणारे डॉक्टर त्यांच्या वैद्यकीय कामासाठी बाहेरगावी गेले आहेत असे सांगण्यात आले. अशा प्रकारे भडगाव ग्रामीण रुग्णालयात डॉक्टर उपलब्ध राहत नसल्याने…

अकलूज, लोकशाही न्यूज नेटवर्क सध्या लग्न सराई सुरु आहे. त्यातच अकलूजमधल्या (Akluj Viral Wedding) एक लग्न सोशल मीडियावर चांगलाच धुमाकूळ (Viral Marriage) घालत आहे. एक तरूणाने दोन मुलींशी एकाच मांडवात रेशीमगाठ बांधली आहे. अतुल अवताडे या तरूणाने रिंकी आणि पिंकी पाडगावकर (Rinki Padgoankar Pinki Padgoankar and Atul Awtade) या दोन जुळ्या बहिणींसोबत सप्तपदी घेतली. त्यांच्या या लग्नाची जोरदार चर्चा सध्या सोशल मीडियावर रंगली आहे. तक्रार दाखल अतुल अवताडे आणि रिंकी-पिंकी पाडगावकर यांनी वऱ्हाडींच्या उपस्थितीमध्ये सप्तपदी घेतल्या. वैवाहिक सुखाचे स्वप्न रंगवत असतांना त्यांच्या आनंदावर विरजण पडलं आहे. कारण या लग्नानंतर अतुलच्या विरोधात भारतीय दंड संहिता 1860 च्या 494 कलमानुसार अकलूज पोलीस…

जळगाव, (विवेक कुलकर्णी) लोकशाही न्यूज नेटवर्क जळगाव जिल्ह्यात (Jalgaon District) रासायनिक खतांचा (Chemical fertilizers) पुरवठा कमी होत असून खतांची उपलब्धता कमी असल्याची चर्चा जिल्ह्यात सुरू आहे. यावर जिल्हा अधिक्षक कृषी अधिकारी संभाजी ठाकूर यांनी जिल्हा परिषदमध्ये पत्रकार परिषद घेवून याबाबत माहिती दिली. संभाजी ठाकूर म्हणाले की, जळगाव जिल्ह्यात रब्बी हंगामासाठी शेतकऱ्यांना कोणत्या प्रकारच्या रासायनिक खते कमी पडणार नाही. जिल्ह्यात सध्यात १ लाख मेट्रीक टन खतांचा साठा शिल्लक असल्याचे देखील त्यांनी सांगितले. तसेच कृषी विभागातर्फे शेतकरी बांधवांना आव्हान करण्यात आले आहे. जिल्ह्यात रासायनिक खताच्या टंचाई नाही, सर्व खते जिल्ह्यात मुबलक प्रमाणात उपलब्ध आहेत. तसेच शेतकरी बांधवांनी विशिष्ट एकाच खताची मागणी करू…

जळगाव, लोकशाही न्यूज नेटवर्क महाराष्ट्र एन.सी.सी. संचालनालय यांच्या वतीने भारत सरकारच्या उपलक्षी राष्ट्रीय प्रदूषण नियंत्रण दिनानिमित्त दि. २ ते ९ डिसेंबर २०२२ दरम्यान पुनीत सागर अभियान या उपक्रमाचे आयोजन करण्यात आलेले आहे. जळगाव शहरातील मेहरूण तलाव जो संपूर्ण शहरास पेयजलाचे स्त्रोत म्हणून ओळखला जातो. त्याची स्वच्छता करण्याची मोहीम १८ महाराष्ट्र एन.सी.सी. बटालिअन, जळगावच्या यांच्या वतीने आज दि. ०२ डिसेंबर २०२२ रोजी मेहरूण तलाव येथे सकाळी तलावावरील प्लास्टिक प्रदूषण कमी करण्यासाठी १०० छात्र सैनिकांनी स्वच्छता केली. काय आहे पुनीत सागर अभियान राष्ट्रीय छात्र सेना (NCC) आणि युनायटेड नेशन्स एन्व्हायर्नमेंट प्रोग्राम (UNEP) यांनी 22 सप्टेंबर 2022 रोजी नवी दिल्ली येथे रक्षा मंत्री…

जळगाव, लोकशाही न्यूज नेटवर्क जळगाव येथील लेवा नवयुवक संघाने दि.०४ डिसेंबर २०२२ रोजी विश्वस्तरीय विवाहच्छुक वधु वर महामेळाव्याचे आयोजन एम. जे. कॉलेजमागे जळगाव येथे केले आहे. विवाहच्छुक वधु वराची परिचय पुस्तिका याठिकाणी उपलब्ध राहणार असुन यात विवाहेच्छुक वर ३०५५ विवाहेच्छुक वधु १८२७ ही संख्या आहे. या महामेळाव्यासाठी प्रमुख पाहुणे म्हणुन मोरगाव लेवा- पंचायतचे कुटुंबनायक रमेश विठु पाटील, माजी मंत्री आ. एकनाथराव खडसे, खा. रक्षाताई खडसे, आ. राजुमामा भोळे, आ. शिरीष मधुकर चौधरी, माजी खा. डॉ. उल्हास पाटील, महापौर जयश्री महाजन, डॉ. अर्जुन भंगाळे आदी मान्यवर उपस्थित राहणार आहेत. सर्वसाधारण परिस्थीतील विकसनशील कुटूंबातील कष्टकरी शेतमजुर ते असामान्य परिस्थितील विकसीत कुटुंबातील उच्चविदयाविभुषित…

पारोळा, लोकशाही न्यूज नेटवर्क पारोळा तालुक्यातील करमाड बु. येथील विनोद बापू मोरे (वय ४०) हे दिनांक २९ नोव्हेंबर रोजी मी बाहेर जाऊन फिरून येतो असे सांगून गेले असता रात्री अकरा वाजेपर्यंत घरी आले नाही म्हणून २ डिसेंबर रोजी पारोळा पोलीस ठाण्यात पत्नी सोनाली विनोद मोरे यांनी माहिती दिल्यावरून हरवल्याची नोंद करण्यात आली आहे. त्याच्या नातेवाईकांकडे व आजूबाजूच्या परिसरात तपास केला असता ते मिळून आले नाही. पाच फूट सात इंच उंची, रंग सावळा, नाक सरळ, चेहरा लांब, दाढी मोठी, अंगात पांढऱ्या रंगाचे शर्ट, काळ्या रंगाची पॅन्ट असे त्यांचे वर्णन आहे. सदर व्यक्ती आढळून आल्यास पारोळा पोलीस स्टेशनशी संपर्क साधावा, असे आवाहन…

जळगाव, लोकशाही न्यूज नेटवर्क महाराष्ट्रातील शेतकऱ्यांची (Farmers in Maharashtra) अवस्था अत्यंत बिकट झाली आहे. राज्यात शेतकऱ्यांच्या आत्महत्येचे प्रमाण दिवसेंदिवस वाढतच आहे. जरंडी ता. सोयगाव (Soygaon) येथील अल्पभूधारक शेतकऱ्याने (Farmer) साडेतीन लाखांच्या सावकारी कर्जाला कंटाळून आत्महत्या केल्याची धक्कादायक घटना घडली आहे. दीपक जनार्दन सुस्ते (वय ३२) असे मृत शेतकऱ्याचे नाव आहे. जरंडीत दीपक सुस्ते पत्नी स्वाती, मुलगी प्रांजल (वय ८), मुलगा पीयूष (वय अडीच) यांच्यासह वास्तव्यास होते. दीपक यांच्या वाट्याला दीड एकर शेती आली होती. पती- पत्नी दोघेही शेतात कष्ट करायचे. त्यांनी शेतात मोसंबी आणि कापूस पेरला होता. मात्र निसर्गाने साथ न दिल्याने पीक येऊ शकले नाही. पेरणी, फवारणी, मजुरी, कीटकनाशके,…