मुंबई, लोकशाही न्यूज नेटवर्क
गेल्या काही दिवसांपासून महाराष्ट्रात जास्त प्रमाणात थंडी जाणवत आहे. मुंबईत सकाळी आणि संध्याकाळी सौम्य थंडी जाणवत आहे, तर उत्तर महाराष्ट्र, मराठवाडा आणि विदर्भात थंडी आणि धुक्याचा प्रकोप आहे. 2 फेब्रुवारीपर्यंत असेच वातावरण राहणार असल्याचे हवामान खात्याने म्हटले आहे.
यानंतर 3 फेब्रुवारीपासून वातावरण ढगाळ राहील आणि पावसाची शक्यता आहे. पुढील काही दिवस थंडीपासून दिलासा मिळणार नसल्याचे हवामान खात्याचे सांगितले आहे. फेब्रुवारीच्या दुसऱ्या आठवड्यापासून थंडीचा जोर कमी होईल. उत्तर महाराष्ट्र, मराठवाडा आणि विदर्भात गेल्या अनेक दिवसांपासून थंडीची लाट सुरू आहे. तर, पावसानंतर हवेचे प्रदूषण सुधारू शकते.
आज मुंबईत कमाल तापमान 33 तर किमान तापमान 18 अंश सेल्सिअस राहण्याचा अंदाज आहे. हवामान स्वच्छ राहील. हवेचा दर्जा निर्देशांक ‘मध्यम’ श्रेणीत 188 वर नोंदवला गेला आहे. पुण्यात कमाल तापमान 28 तर किमान तापमान 12 अंश सेल्सिअस राहण्याचा अंदाज आहे. हवामान स्वच्छ राहील. हवेचा दर्जा निर्देशांक ‘मध्यम’ श्रेणीत 156 वर नोंदवला गेला.
नागपुरात कमाल तापमान 28 अंश सेल्सिअस आणि किमान तापमान 11 अंश सेल्सिअस राहण्याची शक्यता आहे. हवामान स्वच्छ राहील. त्याच वेळी, वायु गुणवत्ता निर्देशांक 120 आहे, जो मध्यम श्रेणीमध्ये येतो. नाशिकमध्ये कमाल तापमान 27 अंश सेल्सिअस तर किमान तापमान 8 अंश सेल्सिअस राहण्याचा अंदाज आहे. येथेही हवामान स्वच्छ राहील. मध्यम श्रेणीतील हवेचा दर्जा निर्देशांक 131 आहे. तर आज औरंगाबादमध्ये कमाल तापमान 26 अंश सेल्सिअस तर किमान तापमान 8 अंश सेल्सिअस राहण्याचा अंदाज आहे. हवामान निरभ्र राहण्याची शक्यता आहे. हवेचा दर्जा निर्देशांक मध्यम श्रेणीत 115 आहे
