आधी रुग्णवाहिकेचे इंधन संपले, नंतर रुग्णालयात मोबाईल टॉर्चने प्रसूती; आई आणि बाळाचा मृत्यू…

 

मुंबई, लोकशाही न्यूज नेटवर्क;

 

देशाची आर्थिक राजधानी मुंबईतील आरोग्य सेवा व्हेंटिलेटरवर असून येथून एक धक्कादायक बातमी समोर आली आहे. जेव्हा बीएमसीच्या प्रसूती गृहात वीज गेली, तेव्हा मोबाईल टॉर्चच्या प्रकाशात प्रसूती करण्यात आली, परिणामी 26 वर्षीय महिला आणि तिच्या नवजात मुलाचा मृत्यू झाला.

महिलेला रुग्णालयात नेणाऱ्या रुग्णवाहिकेचे इंधन मध्यंतरी संपल्याचे सांगण्यात येत आहे. तर दुसरी रुग्णवाहिका १ तासानंतर आली. बेफिकीर ‘सिस्टीम’मुळे महिलेला वेदना होत राहिल्या. मला जसा त्रास होत आहे तसाच डॉक्टर आणि कर्मचाऱ्यांना शिक्षा व्हावी, हॉस्पिटल बंद करावे, असे मृत महिलेचे पती खुसरुद्दीन अन्सारी यांनी सांगितले. “आयुष्याच्या बदल्यात आयुष्य.” असेही तो म्हणाला.

खुसरुद्दीन अन्सारी यांनी आरोप केला आहे की त्यांच्या पत्नी सहिदुन अन्सारी यांची सुषमा स्वराज बीएमसी मॅटर्निटी हॉस्पिटलमध्ये मोबाईल टॉर्चच्या मदतीने प्रसूती झाली. कारण रुग्णालयात वीज गेली होती. ना मूल वाचले ना पत्नी. खुसरुद्दीन एका पायाने अपंग आहे, 11 महिन्यांपूर्वी त्यांचा विवाह झाला होता. कोणत्याही परिस्थितीत न्याय हवा आहे, असे त्यांचे म्हणणे आहे.

खुसरुद्दीन म्हणाला की, मी तुटपुंजी कमाई करतो, मी अपंग आहे, मी मोठ्या कष्टाने लग्न केले, माझे आयुष्य उद्ध्वस्त झाले आहे. मला न्याय हवा आहे. कुटुंबीय केवळ आरोपच करत नाहीत, तर पुरावा म्हणून छायाचित्रेही सादर करत आहेत, जिथे त्यांच्या मुलाच्या मृत्यूनंतरही त्याच ऑपरेशन थिएटरमध्ये मोबाईल टॉर्चचा वापर करून पुढील प्रसूती करण्यात आल्या होत्या. या व्हिडिओतून सरकारी रुग्णालयातील आरोग्य सुविधांचा पर्दाफाश होतो.