यवतमाळ, लोकशाही न्यूज नेटवर्क;
यवतमाळमधून मोठी बातमी समोर आली आहे. प्रचारादरम्यान केंद्रीय मंत्री आणि भाजप नेते नितीन गडकरी यांची प्रकृती खालावली आणि त्यांना चक्कर आल्याने ते मंचावर पडले. नितीन गडकरींसोबत यवतमाळमध्ये महायुतीच्या उमेदवार राजश्री पाटील यांच्या प्रचारादरम्यान हा प्रकार घडला. भाषणादरम्यान नितीन गडकरी यांना चक्कर आल्याने ते मंचावर पडले. सध्या त्यांची प्रकृती स्थिर असल्याचे सांगण्यात येत आहे.
2018 मध्येही स्टेजवर त्यांची तब्येत बिघडली होती.
यापूर्वीही गडकरींची प्रकृती अशीच खालावली होती. वर्ष 2018 मध्ये ते अहमदनगरमध्ये एका कार्यक्रमादरम्यान स्टेजवर अचानक बेहोश झाले होते. त्यादरम्यान गडकरींची शुगर लेव्हल खाली गेल्याचे समोर आले, त्यामुळे त्यांना चक्कर आली होती. तेव्हा त्यांना पिण्यासाठी पाणी व पेडा देण्यात आला होता. नितीन गडकरी वाढलेल्या वजनाच्या समस्येने त्रस्त झाले असून त्यांनी यासाठी स्वत:ची शस्त्रक्रियाही करून घेतली आहे.
नितीन गडकरी यांनी त्यांच्या प्रकृतीची माहिती दिली
मात्र, नितीन गडकरी यांनी त्यांच्या एक्स हँडलवर सांगितले की, त्यांची तब्येत आता ठीक आहे आणि ते पुढील बैठकीसाठी रवाना होत आहेत.
पुसद, महाराष्ट्र में रैली के दौरान गर्मी की वजह से असहज महसूस किया। लेकिन अब पूरी तरह से स्वस्थ हूँ और अगली सभा में सम्मिलित होने के लिए वरूड के लिए निकल रहा हूँ। आपके स्नेह और शुभकामनाओं के लिए धन्यवाद।
— Nitin Gadkari (मोदी का परिवार) (@nitin_gadkari) April 24, 2024
नागपुरातून निवडणूक लढवत आहे
या लोकसभा निवडणुकीत ते नागपुरातून निवडणूक लढवत आहेत. येथे पहिल्या टप्प्यातील मतदान झाले आहे. गडकरी हे काँग्रेस नेते विकास ठाकरे यांच्या विरोधात निवडणूक लढवत आहेत. 2014 च्या निवडणुकीतही भाजपने गडकरींना येथून उमेदवारी दिली होती आणि ते विजयी झाले होते. येथून ते तिसऱ्यांदा निवडणूक लढवत आहेत.
