मुंबई, लोकशाही न्यूज नेटवर्क
महाराष्ट्रातील राजकारणास वेगळेच वळण लागले आहे. राज्यपाल भगतसिंह कोशारी यांनी बहुमत चाचणी करण्याचे आदेश देताच शिवसेना विधिमंडळ पक्षाचे मुख्य प्रतोद सुनील प्रभू यांनी सर्वोच्च न्यायालयात याचिका दाखल केली आहे.
Shiv Sena Chief Whip Sunil Prabhu moves Supreme Court challenging Maharashtra Governor Bhagat Singh Koshyari's direction to #Maharashtra CM Uddhav Thackeray to prove his majority support on the floor of the House on June 30. pic.twitter.com/aRzw4t504B
— ANI (@ANI) June 29, 2022
१६ आमदारांच्या अपात्रतेचा मुद्दा सर्वोच्च न्यायालयात असताना राज्यपालांनी बहुमत चाचणी करण्याचे आदेश दिले आहेत, ते अवैध आहेत. तसेच या बहुमत चाचणीसाठी केवळ एक दिवसाचा वेळ दिला आहे. हा वेळ अपुरा आहे. सर्व आमदारांना पोचण्यासाठी अडचणी निर्माण होऊ शकतात, असे प्रभू यांनी याचिकेत म्हटले आहे. दरम्यान, सर्वोच्च न्यायालयाने तातडीने सुनावणी घ्यावी, अशी विनंती शिवसेनेचे वकील मनू सिंघवी यांनी न्यायालयाकडे केली आहे. शिवसेनेच्या याचिकावर ५ वाजता सुनावणी होणार आहे.