मलकापुर, लोकशाही न्यूज नेटवर्क
शिवसेना पक्षप्रमुख उद्धव ठाकरे यांच्या आदेशावरून पक्षविरोधी कारवाया केल्यामुळे बुलडाणा जिल्हा संपर्कप्रमुख पदावरून प्रतापराव जाधव यांची हकालपट्टी करण्यात आली आहे.
तर मलकापूर व जळगाव जामोद विधानसभा मतदारसंघासाठी नेमलेले शांताराम दाणे पाटील यांनाही जिल्हाप्रमुख पदावरून हटविण्यात आले असुन, त्यांच्या जागी वसंतराव भोजने यांची नव्याने जिल्हाप्रमुख पदी नियुक्ती करण्यात आली आहे.
यासह राजू मिरगे व संजय अवताडे यांनाही उपजिल्हाप्रमुख पदावरून काढून टाकण्यात आले आहे, तर नांदुऱ्याचे तालुकाप्रमुख संतोष डिवरे, मलकापूरचे तालुकाप्रमुख विजय साठे, व शेगावचे तालुकाप्रमुख रामा थारकर यांनाही तालुकाप्रमुख पदावरून हटविण्यात आल्याचे शिवसेना मध्यवर्ती कार्यालयाकडून ‘सामना’द्वारे प्रकाशित पत्रकातून कळविण्यात आले आहे.
