नव्या लूकमध्ये दिसणार टीम इंडिया; T20 वर्ल्ड कपपूर्वी टीम इंडियाची बदलली जर्सी…
क्रीडा, लोकशाही न्यूज नेटवर्क;
1 जूनपासून T20 विश्वचषक 2024 सुरू होत आहे. भारतीय संघ यापूर्वीच जाहीर झाला आहे. भारतीय संघाचा कर्णधार रोहित शर्मा असून उपकर्णधारपदाची जबाबदारी हार्दिक पांड्याकडे देण्यात आली आहे. भारतीय संघात १५ खेळाडूंचा समावेश आहे, तर चार खेळाडूंना प्रवासी राखीव संघात संधी मिळाली आहे. आता टीम इंडियाची नवीन जर्सी टी-20 वर्ल्ड कप 2024 च्या आधीच लॉन्च करण्यात आली आहे.
2024 च्या T20 विश्वचषक स्पर्धेसाठी टीम इंडियाची नवीन जर्सी निळ्या आणि भगव्या रंगाची आहे. त्याच्या कॉलरवर तिरंग्याचे पट्टे आहेत. हात भगव्या रंगाचे आहेत. उर्वरित भाग निळा आहे. जर्सीच्या मध्यभागी टीम इंडिया असे लिहिलेले आहे. ही जर्सी हेलिकॉप्टरमधून लॉन्च करण्यात आली आहे. रोहित शर्मा, कुलदीप यादव आणि रवींद्र जडेजा ही जर्सी लाँच करताना दिसत आहेत.
One jersey. One Nation.
Presenting the new Team India T20 jersey.Available in stores and online from 7th may, at 10:00 AM. pic.twitter.com/PkQKweEv95
— adidas (@adidas) May 6, 2024
आगामी T20 विश्वचषक स्पर्धेत 20 संघ सहभागी होणार आहेत
यावेळी T20 विश्वचषकात 20 संघ सहभागी होत आहेत. टी-20 विश्वचषक स्पर्धेत 20 संघ सहभागी होण्याची ही पहिलीच वेळ आहे. भारतीय संघाला अ गटात ठेवण्यात आले आहे. भारतासोबत पाकिस्तान, आयर्लंड, कॅनडा आणि अमेरिका या गटात आहेत. टीम इंडिया 5 जूनला आयर्लंडविरुद्ध पहिला सामना खेळणार आहे. ९ जून रोजी पाकिस्तानविरुद्ध महामुकाबाला होणार आहे.
महेंद्रसिंग धोनीच्या नेतृत्वाखाली भारतीय संघाने T20 विश्वचषक 2007 चे विजेतेपद पटकावले. तेव्हापासून टीम इंडियाला हे जेतेपद पटकावता आलेले नाही. T20 विश्वचषक 2014 च्या फायनलमध्ये भारताचा श्रीलंकेविरुद्ध पराभव झाला. मागील आवृत्तीत रोहित शर्माच्या नेतृत्वाखाली भारताने उपांत्य फेरी गाठली होती, पण संघाला इंग्लंडकडून १० विकेट्सने पराभव स्वीकारावा लागला होता.
T20 विश्वचषक 2024 साठी भारतीय संघ:
रोहित शर्मा, यशस्वी जैस्वाल, विराट कोहली, सूर्यकुमार यादव, ऋषभ पंत (यष्टीरक्षक), संजू सॅमसन (यष्टीरक्षक), हार्दिक पंड्या (उपकर्णधार), शिवम दुबे, रवींद्र जडेजा, अक्षर पटेल, कुलदीप यादव, युजवेंद्र चहल, अर्शदीप सिंग, जसप्रीत बुमराह, मोहम्मद सिराज.
राखीव : शुभमन गिल, रिंकू सिंग, खलील अहमद, आवेश खान.
