मुक्ताईनगर;- तालुक्यातील इच्छापुर येथे असणाऱ्या श्रीहरी केळी सप्लायर दुकानांमध्ये अज्ञात चोरट्यांनी दुकानातून रोकडसह इतर ऐवज नेल्याचा प्रकार 23 रोजी सकाळी उघडकीस आला . याप्रकरणी मुक्ताईनगर पोलीस स्टेशनला अज्ञात विरुद्ध गुन्हा दाखल करण्यात आला आहे. .
याबाबत सूत्रांनी दिलेली माहिती अशी की इच्छापुर येथील रहिवासी असलेले गुलाबराव देवराम घेटे बेलदार यांचे श्रीहरी केळी सप्लायर नावाचे गावात दुकान असून 22 सप्टेंबर च्या रात्री दहा ते 23 सप्टेंबर च्या सकाळी आठ वाजता दुकानातील केळीच्या व्यवहारातील साठ हजार रुपये रोख ,सीसीटीव्ही कॅमेऱ्याचे रिसिव्ह,र एटीएम कार्ड, केळी व्यवहाराची कागदपत्रे, असा एकूण ६१ हजार पाचशे रुपयांचा मुद्देमाल चोरून नेल्याचा प्रकार घडला. याप्रकरणी गुलाबराव घेटे यांनी दिलेल्या फिर्यादीवरून मुक्ताईनगर पोलीस स्टेशनला अज्ञात चोरट्यांविरुद्ध गुन्हा दाखल करण्यात आला असून तपास साहेब फौजदार संतोष चौधरी करीत आहे.