नवी दिल्ली, लोकशाही न्यूज नेटवर्क;
जम्मू-काश्मीरचे माजी मुख्यमंत्री आणि नुकतेच काँग्रेस सोडलेले ज्येष्ठ नेते गुलाम नबी आझाद यांनी आज जम्मूच्या सैनिक कॉलनीत जाहीर सभेला संबोधित केले. आपल्या समर्थकांना संबोधित करताना ते म्हणाले की, मी जम्मू-काश्मीरच्या लोकांच्या पाठीशी उभा आहे. राज्यातील 73 वर्षीय दिग्गज नेते आझाद आज त्यांच्या नवीन राजकीय पक्षाची स्थापना आणि नाव जाहीर करण्याची शक्यता होती. त्यांनी आपल्या पक्षाच्या स्थापनेबद्दल बोलले पण त्याचे नाव जाहीर केले नाही.
आझाद म्हणाले की, मी अद्याप माझ्या पक्षाचे नाव निश्चित केलेले नाही. जम्मू-काश्मीरमधील जनता पक्षाचे नाव आणि झेंडा ठरवतील. प्रत्येकाला समजेल असे हिंदुस्थानी नाव मी माझ्या पक्षाला देईन. माझा पक्ष पूर्ण राज्याचा दर्जा, जमिनीचा अधिकार आणि स्थानिकांना रोजगार देण्यावर भर देईल.
#WATCH | J&K: "People from Congress now go to jail in buses, they call DGP, Commissioners, get their name written & leave within an hour. That is the reason Congress has been unable to grow," says Ghulam Nabi Azad at a public meeting in Jammu pic.twitter.com/SVjxTVUeQ4
— ANI (@ANI) September 4, 2022
आझाद यांनी गेल्याच आठवड्यात नवीन पक्ष सुरू करणार असल्याचे सांगितले होते. ते म्हणाले होते की पक्षाचे पहिले युनिट जम्मू-काश्मीरमध्ये स्थापन केले जाईल, जिथे निवडणुका होणार आहेत.
गुलाम नबी आझाद म्हणाले की, काँग्रेस संगणक किंवा ट्विटरमुळे नाही तर आमच्या रक्ताने बनली आहे. लोक आमची बदनामी करण्याचा प्रयत्न करत आहेत पण त्यांचा आवाका संगणक आणि ट्विटपुरता मर्यादित आहे. त्यामुळेच काँग्रेस मैदानावर कुठेच दिसत नाही.
“काँग्रेसचे लोक आता बसमध्ये तुरुंगात जातात, डीजीपी, आयुक्तांना बोलावतात, त्यांची नावं नोंदवून घेतात आणि तासाभरात निघून जातात. त्यामुळे काँग्रेसला पुढे जाता येत नाही.” असं म्हणत आझाद यांनी काँग्रेसवर निशाणा साधला.