ब्रेकिंग; व्हॅन आणि ट्रकच्या धडकेत 8 ठार, रस्त्यावर मृतदेहांचा खच…
ओडिशा, लोकशाही न्यूज नेटवर्क;
ओडिशातील घाटगावजवळ भीषण अपघात झाल्याचे वृत्त समोर आले आहे. प्रवाशांनी भरलेल्या वाहनाची रस्त्यावर उभ्या असलेल्या ट्रकला धडक बसल्याने मोठे नुकसान झाले आहे. या अपघातात आतापर्यंत 8 जणांचा मृत्यू झाला असून 12 जण गंभीर जखमी असल्याचे सांगण्यात येत आहे. व्हायरल झालेल्या व्हिडीओमध्ये रस्त्यावर मृतदेह विखुरलेले दिसत आहेत यावरून अपघाताच्या दु:खद परिस्थितीचा अंदाज येतो.
#WATCH | 8 people died and 12 injured in a road accident near Ghatagaon, Odisha pic.twitter.com/W7Qyk2SbOc
— ANI (@ANI) December 1, 2023
अपघात कसा झाला?
आतापर्यंत मिळालेल्या माहितीनुसार हा अपघात शुक्रवारी पहाटे घडला. मीडिया रिपोर्ट्सनुसार, सर्व 20 मृत आणि जखमी हे गंजममधील दिगपहांडीचे रहिवासी होते आणि ते एका व्हॅनमधून जिल्ह्यातील मां तारिणी मंदिरात दर्शनासाठी जात होते. मात्र, वाटेत NH-20 वर उभ्या असलेल्या ट्रकला व्हॅन धडकली. मिळालेल्या माहितीनुसार, 7 प्रवाशांचा जागीच मृत्यू झाला. अपघात इतका भीषण होता की व्हॅनचे मोठे नुकसान झाले.
जखमींवर उपचार सुरू आहेत
या अपघातात आतापर्यंत 8 जणांना आपला जीव गमवावा लागला आहे. अपघातानंतर जखमींना तातडीने जवळच्या रुग्णालयात दाखल करण्यात आले असून त्यांच्यावर उपचार सुरू आहेत. त्याचबरोबर पोलिसांनी या अपघाताचा तपास सुरू केला आहे. हा अपघात कसा घडला याबाबत अद्याप पूर्ण खुलासा झालेला नाही. या प्रकरणाबाबत अधिक माहितीची प्रतीक्षा आहे.
