क्रीडा, लोकशाही न्यूज नेटवर्क;
रणजी ट्रॉफी 2023-24 हंगाम 5 जानेवारीपासून सुरू झाला, ज्यामध्ये यावेळी एलिट आणि प्लेट गटाच्या सर्व संघांसह एकूण 38 संघ सहभागी होत आहेत. आतापर्यंत सर्वाधिक वेळा हा ट्रॉफी जिंकणारा मुंबईचा संघ नव्या मोसमातील पहिला सामना बिहार संघाविरुद्ध खेळत आहे. या सामन्यात, बिहार संघासाठी या प्रथम श्रेणी सामन्यात पदार्पण करणाऱ्या वैभव सूर्यवंशीचे वय अधिकृत नोंदीनुसार केवळ 12 वर्षे 284 दिवस आहे. यासह, प्रथम श्रेणी क्रिकेटमध्ये पदार्पण करणारा तो भारताचा 5वा युवा खेळाडू ठरला आहे. उभय संघांमधील हा सामना बिहारमधील शम्स मुलानी क्रिकेट स्टेडियमवर खेळला जात आहे.
वैभव सूर्यवंशी हा भारताच्या अंडर-19 ब संघाचा भाग आहे.
वैभव सूर्यवंशीबद्दल सांगायचे तर, तो भारताच्या अंडर-19 ब संघाचा देखील एक भाग आहे, ज्यामध्ये त्याने इंग्लंड आणि बांगलादेश बरोबरच्या चतुर्भुज मालिकेत पाच सामन्यांमध्ये 177 धावा केल्या. एका सामन्यात त्याला अर्धशतकही झळकावण्यात यश आले. याशिवाय देशांतर्गत क्रिकेटमध्ये, वैभव सूर्यवंशी विनू मांकड ट्रॉफी 2023 मध्ये देखील खेळला आहे, ज्यामध्ये त्याने बॅटने 393 धावा केल्या आहेत. वैभव हा डावखुरा फलंदाज असून तो फिरकी गोलंदाजीही करतो. भारतासाठी प्रथम श्रेणी क्रिकेटमध्ये सर्वात तरुण पदार्पण करण्याचा विक्रम अलिमुद्दीनच्या नावावर आहे, ज्याने 1942-43 च्या हंगामात वयाच्या अवघ्या 12 वर्षे आणि 73 दिवसाचा असताना राजपुताना संघाकडून रणजी ट्रॉफीमध्ये पहिला सामना खेळला होता.
आत्तापर्यंत जागतिक क्रिकेटमध्ये केवळ 9 खेळाडू आहेत ज्यांनी वयाच्या 13 व्या वर्षी प्रथम श्रेणी क्रिकेटमध्ये पदार्पण केले आहे. अलीमुद्दीन व्यतिरिक्त एसके बोस, आकिब जावेद, मोहम्मद अक्रम, मोहम्मद रिझवान, रिझवान सत्तार, वैभव सूर्यवंशी, सलीमुद्दीन आणि कासिम फिरोजी यांच्या नावांचा समावेश आहे.
