लोकशाही न्यूज नेटवर्क
राज ठाकरे (Raj Thackeray) यांनी सध्या अजित पवारांच्या (Ajit Pawar) केलेल्या मिमिक्रीची जोरदार चर्चा होत आहे. रत्नागिरीतील सभेत राज्याचे विरोधी पक्षनेते अजित पवार यांची मिमिक्री करत मनसे अध्यक्ष राज ठाकरे यांनी जोरदार टीका केली होती. राज ठाकरे यांनी शरद पवार (Sharad Pawar) यांच्या राजीनाम्यासंदर्भात देखील चर्चा केली ती होती. अशातच आता अजित पवार यांनी राज ठाकरेंवर पलटवार केला आहे. ” राज ठाकरेंना मिमिक्री शिवाय दुसरा येत तरी काय? असा प्रश्न करत त्यांनी राज ठाकरेंच्या मिमिक्रीची खिल्ली उडवली.
पुण्यात अजित पवार माध्यमांशी बोलत असताना त्यांनी राज यांना जोरदार प्रत्युत्तर दिलं. राज ठाकरेंना मिमिक्री शिवाय दुसरं काय जमतं? मिमिक्री करणं हा त्यांचा जन्म सिद्ध हक्क आहे. राज ठाकरे यांना जनतेने कधीच नाकारलं आहे. मागे त्यांनी 14 आमदार निवडून आणले होते. दुसऱ्या टर्मला एक आमदार आला. आमचे जुन्नरचे सहकारी शरद सोनावणेंनी तिकीट घेतलं म्हणून तेवढी पाटी लागली. आता कल्याणचे आमचे सहकारी निवडून आले. त्यांच्याबरोबर जे होते, काही लोकं सोडली तर सर्व लोकं दूर गेली आहेत. त्यामुळे त्यांना त्यांचा पक्ष वाढवण्याऐवजी, त्यांना अजित पवारांवर मिमिक्री करणं आणि अजित पवार यांचं व्यंगचित्र काढणं यात समाधान वाटतं. यातून ते समाधानी होत असतील तर आमच्या त्यांना शुभेच्छा आहेत, असा चिमटा अजित पवार यांनी काढला.
