लोकशाही न्यूज नेटवर्क
पुलवामा (Pulwama) येथे दहशदवाद्यांचा कट उधळून लावण्यात पोलिसांना मोठे यश आले आहे. पोलिसांनी इशफाक नावाच्या इसमाला अटक केले असून त्याच्याकडून ५ ते ६ किलो आयईडी जप्त करण्यात आले असून गुन्हा दाखल करण्यात आला आहे. त्यासोबतच पुढील तपास सुरु आहे. दक्षिण काश्मीरच्या (South Kashmir) ह्या संवेदनशील भागात एका दहशतवाद्याच्या सहकाऱ्याला 5 किलो इम्प्रोव्हाइज्ड एक्सप्लोसिव्ह डिव्हाईससह (IED) अटक करण्यात आली आहे.
पोलीस वेळीच सतर्क असल्यामुळे मोठी दुर्घटना टळली. येत्या काही दिवसांत G20 बैठकीपूर्वी सुरक्षा दलांच्या वाहनांवर हल्ला करण्यासाठी आयईडीचा वापर केला जाणार असल्याने मोठी दुर्घटना टळली, असे पोलिसांनी सांगितले. सध्या याप्रकरणी गुन्हा दाखल करण्यात आला असून पुढील तपास सुरू असल्याचे पोलिसांनी सांगितले.पोलिस अधिकाऱ्यांचे म्हणणे आहे की, या ओजीडब्ल्यूचे नाव इश्फाक अहमद वानी असे आहे.
