मुंबई, लोकशाही न्यूज नेटवर्क
पॉप्युलर फ्रंट ऑफ इंडिया (PFI) सध्या सर्वात जास्त चर्चेत आहे. देशभरातील तपास यंत्रणेच्या रडारवर असलेली कट्टर इस्लामिक संस्था ‘पॉप्युलर फ्रंट ऑफ इंडिया’ला (Popular Front of India) केंद्र सरकारने (Central Govt) बंदी घालून मोठा दणका देत पुढील पाच वर्ष या संघटनेवर बंदी राहणार आहे.
आता केंद्र सरकारने या प्रकरणी आणखी पुढचे पाऊल उचलत पॉप्युलर फ्रंट ऑफ इंडिया संघटनेच्या ट्विटर (Twitter) अकाउंटवर बंदी घातली आहे, त्यामुळे ट्विटर इंडियाने बंदीची कारवाई केली आहे. केंद्र सरकार पाठोपाठ महाराष्ट्र सरकारने देखील कठोर पाऊले उचलत पॉप्युलर फ्रंट ऑफ इंडिया संघटनेवर राज्यात बंदीचा निर्णय घेतला आहे.
पॉप्युलर फ्रंट ऑफ इंडिया व्यतिरिक्त आणखी ८ संस्थांवर केंद्र सरकारने बंदी घातली असून या सर्व संस्था पॉप्युलर फ्रंट ऑफ इंडिया या संघटनेशी संलग्नित मानण्यात येतात. केंद्र सरकारने पॉप्युलर फ्रंट ऑफ इंडिया संघटनेवर बंदीची अधिसूचना करत राज्यांना यावर बंदी घालण्याच्या सूचना केल्या होत्या, तत्पूर्वी अनेक राज्यांनी सदर संघटना बेकायदेशीर म्हणून घोषित करत बंदीची मागणी केली होती.
