मुंबई, लोकशाही न्यूज नेटवर्क:
पत्नीशी अनैतिक संबंध असल्याच्या संशयातून आरोपीने १७ वर्षीय मुलाच्या शरीराचे चार तुकडे करुन निर्घृण हत्या केली. आणि शरीराचे तुकडे स्वतःच्या घरातच लपवून ठेवल्याची धक्कादायक घटना चेंबूरमध्ये उघडकीस आली आहे. ईश्वर मारवाडी असं मृत मुलाचे नाव असून, आरोपी शफीक शेख याने त्याची हत्या केली आहे. मृत मुलाचे पत्नीशी संबंध असल्याचा आरोपीला संशय होता. सदर प्रकरणी आरोपी शफीक शेखला आरसीएफ पोलिसांनी अटक केली असून त्याने गुन्ह्याची कबुली दिली आहे.
शफी अहमद अब्दुल माजिद शेख (32) या रिक्षाचालकाने ईश्वर मारवाडी ऊर्फ ईश्वर ललित पुत्रान या 17 वर्षीय तरुणाची हत्या केली. त्याने मृतदेहाचे चार तुकडे केले आणि घरातच लपवले. मृत ईश्वर मारवाडी याचे चार तुकडे करण्यात आले असून त्याचे डोके, दोन हात कापण्यात आले होते. सोमवारी ही हत्या करून दोन पिशव्यांमध्ये हात आणि डोके तर शरीर एका कपड्याने बांधून ठेवलं होतं. आरोपीने मयताचे पाय कापण्याचा प्रयत्नही केला पण तो करू शकला नाही. चेंबुरमधील म्हाडा वसाहतीत ही धक्कादायक घटना घडली आहे.
आरोपी शफीक शेख याला आरसीएफ पोलिसांनी अटक केली असून त्याने गुन्ह्याची कबुली दिली आहे. मृताचे त्याच्या पत्नीशी संबंध असल्याचा संशय आरोपीला आला आणि त्याने हा गुन्हा केला असल्याचा सूत्रांनी सांगितलं आहे.
