लोकशाही न्यूज नेटवर्क
कारमध्ये ठेवली रोकड व दागिन्याची पर्स असा एकुण ४ लाख ३७ हजार रूपये किंमतीचा मुद्देमाल चोरून नेल्याचा प्रकार जळगाव शहरातील तळेले कॉलनीतील दत्त मंदीराजवळ उघडकीला आला आहे. याप्रकरणी रविवारी ३० जानेवारी रोजी रात्री ९ वाजता अज्ञात चोरट्यांविरोधात गुन्हा दाखल करण्यात आला आहे.
सूत्रांनी दिलेली माहिती अशी कि, मनिषा चंद्रशेखर पाटील (वय-४२) रा. दत्त मंदीरजवळ, तळेले कॉलनी, जळगाव हे आपल्या परिवारासह वास्तव्याला आहे. शनिवारी २८ जानेवारी रोजी दुपारी दीड वाजेच्या सुमारास त्यांच्या घराजवळ असलेल्या कारच्या बोनटजवळ त्यांनी पर्स ठेवलेली होती. पर्समध्ये सोन्याचे दागिने आणि रोख रक्कम असा एकुण ४ लाख ३७ हजारांचा मुद्देमाल ठेवलेला होता. अज्ञात चोरट्याने कारच्या बोनटवरून दागिने व रोकड ठेवलेली पर्स चोरून नेली. पर्स चोरीला गेल्याचे लक्षात आल्यानंतर मनिषा पाटील यांनी सर्वत्र शोध घेतला परंतू काहीही माहिती मिळाली नाही. अखेर रविवारी २९ जानेवारी रोजी शनीपेठ पोलीस ठाण्यात तक्रार दिली. तक्रारीवरून अज्ञात चोरट्यांविरोधात शनीपेठ पोलीस ठाण्यात गुन्हा दाखल करण्यात आला आहे. तपास पोलीस उपनिरीक्षक प्रदीप चांदेलकर या घटनेचा पुढील करीत आहे.
