जामनेर : २५ ते ३० जणांच्या अज्ञात टोळक्याने दरोडा टाकत ५० हजारांची रोकड तसेच पाच हजार रुपये किंमतीची डीव्हीआर मशीन लांवबल्याची घटना शुक्रवार, 30 रोजी सायंकाळी साडेपाच वाजता जामनेर तालुक्यातील मालखेडा शिवारातील नर्मदा स्टोन क्रशरच्या कार्यालयात घडली. या प्रकरणी पहूर पोलिसात अज्ञाताविरोधात गुन्हा दाखल करण्यात आला. मालखेडा परीसरात दगड फोडण्याचा आवाज आल्यानंतर ही घटना घडल्याचे सांगण्यात आले.
याबाबत सूत्रांची दिलेली माहिती अशी कि , मॅनेजर टिकेश दीपक मगर उर्फ पप्पूदादा (20, चिंतामणी कॉलनी, पाचोरा) यांनी आपल्या फिर्यादीत म्हटले आहि कि, शुक्रवारी सायंकाळी दगड फोडण्याचा आवाज आल्यानंतर 25 ते 30 संशयित हातात लाठ्या व लोखंडी रॉड घेवून कंपनीच्या कार्यालयात धडकले व त्यांनी खिडकीच्या काचा फोडल्या तसेच आरओ मशीनची तोडफोड केली तसेच ऑफिसमधील 50 लीटर डिझेल फेकून व दोन कॅमेर्यांचे नुकसान केले तसेच 50 हजारांची रोकड लांबवली. या घटनेत 60 हजारांचे नुकसान झाले. पोलीस उपअधीक्षक धनंजय येरूळे, पोलीस निरीक्षक सचिन सानप व सहकार्यांनी भेट देत पाहणी केली. तपास पोलीस उपनिरीक्षक दिलीप पाटील करीत आहेत.
