खामगाव, लोकशाही न्यूज नेटवर्क
येथील महाराष्ट्र विद्युत वितरण कंपनी येथील कार्यरत भ्रष्टाचारी अभियंता शैलेश आखरे यांच्यावर कारवाई करिता खामगाव येथे निवेदन देऊन बुलढाणा, अकोला या अधिकाऱ्याला पोस्टाद्वारे निवेदन देण्यात आले, तरीही कोणती कारवाई दिसून येत नाही.
याकरिता युवासेना खामगाव शहरच्या वतीने जळगाव जामोद येथे शिवसेना हिंदूगर्वगर्जना शिवसेनेची संपर्क यात्रा या सभेमध्ये बुलढाणा जिल्ह्याचे पालकमंत्री गुलाबराव पाटील यांना निवेदन दिले. या सभेला शिवसेना उपनेते तथा माजी मंत्री अर्जुनराव खोतकर, खासदार प्रतापराव जाधव, आमदार संजय रायमुरकर, आमदार संजय गायकवाड, माजी आमदार शशिकांत खेडेकर, जिल्हा प्रमुख शांताराम दाणे मंचावर उपस्थित होते.
यावेळी निवेदन देताना युवासेना शहर प्रमुख राहुल कळमकार, शिवसेना उपजिल्हा प्रमुख संजुभाऊ अवताळे, शिवसेना शहर प्रमुख बाब्बुभैया भट्टड यांच्या हस्ते देण्यात आले. यावेळी महिला आघाडी तालुकाप्रमुख इंदुताई राणे, धीरज कंटाळे उपस्थित होते.
