मुंबई ;- ईडीकडून राष्ट्रवादी काँग्रेसचे प्रदेशाध्यक्ष जयंत पाटील यांना नोटीस बजावण्यात आली आहे. आयएल व एफएस प्रकरणी ही नोटीस बजावण्यात आली आहे. सोमवारी ईडीच्या कार्यालयात त्यांना चौकशीसाठी 12 मे रोजी हजर राहण्याचे आदेश देण्यात आले आहेत.
आयएलएफस आर्थिक गैरव्यवहार प्रकरणात जयंत पाटील यांना ही नोटीस पाठवण्यात आल्याचं वृत्त आहे. या प्रकरणी सर्वप्रथम दिल्लीतील आर्थिक गुन्हे शाखेने गुन्हा नोंदवला होता. त्यानंतर या प्रकरणाला सक्तवसुली संचलनालयाकडे सोपवण्यात आलं. दरम्यान, जयंत पाटील यांनी आतापर्यंत ईडीची कोणतीही नोटीस मिळालेली नाही, असं एका वृत्तवाहिनीशी बोलताना म्हटलं आहे.
