एरंडोल येथे काजू कारखान्यात ९५ हजाराच्या काजू ची चोरी..!

एरंडोल, लोकशाही न्युज नेटवर्क;

येथील अगम काजू कारखान्याच्या आवारात उभ्या असलेल्या गाडीतून प्रत्येकी २०किलोचे ५ काजू चे बॉक्स अज्ञात चोरट्याने लंपास केल्याची घटना उघडकीस आली आहे. याप्रकरणी एरंडोल पोलिस स्टेशनमध्ये गुन्हा दाखल करण्यात आला आहे.

एरंडोल येथे जळगाव रस्त्यालगत असलेल्या अगम कॅश्यू कॉर्पोरेशन नामक काजूच्या कारखान्यातून एम.एच.१९ सी.वाय.६७९७ क्रमांकाच्या वाहनात ठेवलेल्या ९५हजार रुपये किंमतीच्या काजूच्या ५ खोक्यांवर अज्ञाट चोरट्यांनी डल्ला मारला. ही घटना २४डिसेंबर २०२३ रोजी रात्री घडली. याप्रकरणी पुढील तपास पोलिस कॉन्स्टेबल सुनिल लोहार करीत आहेत.