क्रीडा, लोकशाही न्यूज नेटवर्क;
एकदिवसीय विश्वचषक २०२३ च्या अंतिम सामन्यात भारतीय संघाला ऑस्ट्रेलियाविरुद्ध ६ विकेट्सने पराभव स्वीकारावा लागला होता. विश्वचषक संपल्यानंतर राहुल द्रविडचा कार्यकाळही संपला आहे. टीम इंडिया सध्या ऑस्ट्रेलियाविरुद्ध पाच सामन्यांची टी-20 मालिका खेळत आहे. यामध्ये व्हीव्हीएस लक्ष्मण प्रशिक्षकाची जबाबदारी पार पाडत आहे. ते राष्ट्रीय क्रिकेट अकादमीचे प्रमुखही आहेत आणि प्रशिक्षक होण्याच्या शर्यतीत आघाडीवर आहेत. आता बीसीसीआयने एका माजी भारतीय खेळाडूला टी-20 संघाचा प्रशिक्षक बनण्याची ऑफर दिली आहे.
इंडियन एक्स्प्रेसच्या वृत्तानुसार, बीसीसीआयने माजी भारतीय वेगवान गोलंदाज आशिष नेहराला क्रिकेटच्या सर्वात लहान फॉरमॅटचा प्रशिक्षक बनण्याची ऑफर दिली होती, जी नेहराने नाकारली. नेहरा आयपीएलमध्ये गुजरात टायटन्सचा प्रशिक्षक आहे. त्याच्या प्रशिक्षणाखाली, गुजरात संघाने आयपीएल 2022 चे विजेतेपद जिंकले आणि आयपीएल 2023 च्या अंतिम फेरीत प्रवेश केला. जिथे गुजरातला अंतिम फेरीत सीएसकेकडून पराभव स्वीकारावा लागला होता.
आशिष नेहराच्या नकारानंतर बीसीसीआयने पुढील वर्षी होणाऱ्या टी-20 विश्वचषकापर्यंत राहुल द्रविडने टीम इंडियाचे प्रशिक्षकपद कायम राखावे अशी इच्छा आहे. आणि बीसीसीआय त्याला नवीन करार देण्यास तयार आहे. T20 विश्वचषक 2024 अमेरिका आणि वेस्ट इंडिजमध्ये खेळवला जाणार आहे. भारतीय कर्णधार रोहित शर्मा आणि मुख्य निवडकर्ता अजित आगरकर यांचेही मत आहे की द्रविडने पुढील टी-२० विश्वचषकापर्यंत प्रशिक्षकपदी राहावे. मात्र यावर द्रविडने अद्याप कोणतेही उत्तर दिलेले नाही. द्रविडने प्रशिक्षक होण्याचे मान्य केले तर गोलंदाजी प्रशिक्षक पारस म्हांबरे आणि फलंदाजी प्रशिक्षक विक्रम राठोड या प्रमुख सपोर्ट स्टाफलाही नवीन करार दिले जाण्याची शक्यता आहे.
राहुल द्रविडला मुख्य प्रशिक्षक म्हणून भारतीय संघातील त्याच्या भवितव्याबाबत प्रश्न विचारला असता तो म्हणाला की, मी याबद्दल विचार केलेला नाही. मला याचा विचार करायला वेळ नाही. जेव्हा मला वेळ मिळेल तेव्हा मी तसे करेन. द्रविडच्या प्रशिक्षणाखाली, भारताने 2021-23 टेस्ट चॅम्पियनशिपचा अंतिम सामना आणि 2023 च्या विश्वचषक स्पर्धेचा अंतिम सामना खेळला. याशिवाय टीम इंडिया 2022 च्या टी-20 वर्ल्ड कपमध्येही अंतिम फेरीत पोहोचली होती. भारतीय संघाला १० डिसेंबरपासून दक्षिण आफ्रिकेच्या दौऱ्यावर जायचे आहे. त्यामुळे बीसीसीआय यावर निर्णय घेऊ शकते.
