जळगाव ;- अजिंठा चौफुली जवळील लढ्ढा फार्म हाऊसच्या कार्यालयातील लॉकर मधून ५० हजारांची रोकडची चोरी केल्याची घटना मंगळवारी ३० एप्रिल रोजी दुपारी २ वाजता उघडकीला आले आहे. याप्रकरणी बुधवारी १ मे रोजी सायंकाळी ७ वाजता एमआयडीसी पोलीस ठाण्यात एकावर गुन्हा दाखल करण्यात आला आहे.
कपिल प्रदिप लढ्ढा (वय-२९ रा. लढ्ढा फार्म हाऊस, अजिंठा चौक, जळगाव) हे आपल्या परिवारासह वास्तव्याला आहे. लढ्ढा फार्म हाऊस चालवून ते आपला उदरनिर्वाह करतात. मंगळवार ३० एप्रिल रोजी दुपारी २ वाजेच्या सुमारास लढ्ढा फार्म हाऊसचे कार्यालय उघडे असतांना संशयित आरोपी गोविंद आधार पवार रा.रामेश्वर कॉलनी, मेहरूण, जळगाव याने कार्यालयात येवून चावी घेवून लॉकरमधून ५० हजारांची रोकड काढून घेतली. हा प्रकार लक्षात आल्यानंतर कपील लढ्ढा यांनी एमआयडीसी पोलीस ठाण्यात धाव घेवून फिर्याद दिली. त्यानुसार बुधवार १ मे रोजी सायंकाळी ७ वाजता एमआयडीसी पोलीस ठाण्यात संशयित आरोपी गोविंद आधार पवार रा.रामेश्वर कॉलनी, मेहरूण, जळगाव याच्या विरोधात गुन्हा दाखल करण्यात आला आहे. तपास पोलीस नाईक सचिन पाटील हे करीत आहे.