जळगाव ;- कानळदा रस्त्यावरील समर्थ शाळेजवळ झालेल्या भीषण अपघातात तीन जणांना उपचारादरम्यान मृत्यू झाला होता. यातील दुचाकीस्वाराची ओळख पटली होती. मात्र इतर दोन महिलांची ओळख पटलेली नव्हती. जळगाव तालुका पोलीसांनी मयत दोन्ही महिला ह्या शिवाजी नगरातील मायलेकी असल्याचे समोर आले असून बुधवारी २८ जून रोजी सकाळी जिल्हा शासकीय वैद्यकीय महाविद्यालयात शवविच्छेदन करून मृतदेह नातेवाईकांच्या ताब्यात देण्यात आला असून . याबाबत तालुका पोलीस ठाण्यात अकस्मात मृत्यूची नोंद करण्यात आली आहे.
गायत्री प्रविण कुळकर्णी (वय-३४) आणि नंदिनी प्रविण कुळकर्णी (वय-११) दोन्ही रा. शिवाजी नगर, जळगाव ह.मु.बडवाणी मध्यप्रदेश असे मयत झालेल्या दोन्ही मायलेकीचे नावे आहे.
जळगाव ते कानळदा रोडवरील समर्थ शाळेजवळ सोमवारी २६ जून रोजी सकाळी दहा वाजता विचित्र अपघात झाला. महेश गोकूळ जोशी रा. पिंप्री ता. धरणगाव हे दुचाकी क्रमांक (एमएच १९ बीवाय ९९०३) ने कानळदा रोडवरून जळगाव शहराकडे येत होते. त्यावेळी त्यांच्यासोबत दुचाकीवर अनोळखी महिला आणि एक मुलगी बसलेले होते. कानळदा गावाजवळील समर्थ शाळेसमोरून जात असतांना दुचाकीस्वार महेश यांचा दुचाकीवरील ताबा सुटल्याने तिघे रस्त्यावर पडले. तेवढ्यात जळगाव शहराकडून येणारी रिक्षा क्रमांक (एमएच १९ व्ही ८०७०) ने रोडवरील तिघांना चिरडले व रिक्षा देखील पलटी झाली. यात अपघातात दुचाकीवरील तीन जण गंभीर जखमी झाले त्यांना तातडीने जिल्हा शासकीय वैद्यकीय महविद्यालयात उपचारार्थ दाखल करण्यात आले होत. जखमी झालेल्या तिघांचा उपचारादरम्यान मृत्यू झाला. यातील महेश जोशी यांची ओळख पटली होती. तर सोबत असलेल्या महिला आणि मुलीची ओळख पटलेली नव्हती. जळगाव तालुका पोलीस ठाण्यात अकस्मात मृत्यूची नोंद केल्यानंतर पोलीसांनी तपासाला सुरूवात केली. अखेर पोलीसांना महिलांची ओळख पटविण्यास यश आले. गायत्री प्रविण कुळकर्णी (वय-३४) आणि नंदिनी प्रविण कुळकर्णी (वय-११) अशी दोघांचा नावे निष्पन्न झाली.
मयत मुलगी नंदीनीच्या शैक्षणिक कामासाठी दाखल काढण्यासाठी महिला गायत्री कुळकर्णी ह्या नात्यातील महेश जोशी यांच्या दुचाकीने कानळदा रोडवरील समर्थ शाळेत जात होत्या. परंतू रस्त्यावर झालेल्या अपघातात त्यांचा दुदैवी मृत्यू झाला होता. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. पुढील तपास पो.कॉ. नरेंद्र पाटील करीत आहे.
