यावल , लोकशाही न्यूज नेटवर्क
तालुक्यातील अंजाळे घाटाजवळ एका दुचाकीस्वाराला पिस्तुलाचा धाक दाखवून त्याच्या मोटारसायकलीसह लुटल्याची धक्कादायक घटना आज रात्री घडली. सविस्तर वृत्त असे की यावल-भुसावळ कडून येत असताना अजय रमाकांत मोरे हे त्यांच्या शाईन कंपनीच्या मोटरसायकल येत होते त्यांना अंजाळे घाटावर २४ ते २५ वर्षे वयोगटातील चार ते पाच अज्ञात चोरट्यांनी मोरे यांची मोटरसायकल रोखत त्यांना पिस्तोलचा धाक दाखवून त्यांचे कडील मोटर सायकल सह मोबाईल घेऊन पसार झाले.
सदरची घटना रात्री पावणेदहा वाजेच्या सुमारास घडली असून . हि माहिती यावल पोलीस ठाण्यात कळताच पोलीस निरिक्षक राकेश मानगावकर यांच्या आदेशावरून पोलीस उपनिरिक्षक अविनाश दहिफळे, सहाय्यक फौजदार मुजफ्फर पठान व पोलीस पथक तात्काळ घटनास्थळाकडे रवाना झाले. या घटनेमुळे परिसरात एकच खळबळ उडाली आहे. अंजाळा घाटात आता मोठा पूल झाला असल्याने हा भाग आधीपेक्षा सुरक्षीत झालेला असतांना याच परिसरात दुचाकीस्वाराला लुटल्याची घटना घडल्याने येथील सुरक्षेचा प्रश्‍न ऐरणीवर आला आहे.
दरम्यान, चोरटे त्यांचे कडील बुलेट व एक्टिवा गाडीने आले होते . यावेळी आरडाओरड होत असल्याचे पाहुन काही नागरीक धावुन येत असल्याचे पाहुन चोरटे घटनास्थळावरून पसार झाले . अंजाळे घाटावर गेल्या अनेक वर्षापासुन पोलीस चौकी बांधण्यात आली असुन ही पोलीस चौकी निव्वळ शोभेची वस्तु झाली आहे. येथे पोलिस कर्मचार्‍यांची नियुक्ती करण्यात यावी अशी मागणी परिसरातून होत आहे.
