अग्निवीरचे प्रशिक्षण घेणाऱ्या तरुणीची आत्महत्या; यामुळे होती नाराज…

 

मुंबई, लोकशाही न्यूज नेटवर्क:

 

नौदलात अग्निवीर प्रशिक्षण घेत असलेल्या २० वर्षीय तरुणीने आत्महत्या केली आहे. मुलीने बेडशीटला गळफास घेऊन आत्महत्या केली. तरुणीचे एका तरुणासोबत प्रेमसंबंध होते. प्रेमसंबंध सुरळीत होत नसल्याने तरुणी बऱ्याच दिवसांपासून तणावाखाली होती. या त्रासाला कंटाळून तरुणीने गळफास घेऊन आत्महत्या केली. तरुणीच्या आत्महत्येनंतर पोलीस या प्रकरणाचा तपास करत आहेत. मुलीचे कोणाशी तरी प्रेमसंबंध होते असे सांगितले जात आहे. प्रेमसंबंधात काही कारणावरून वाद सुरू होता. यामुळे मुलगी नाराज झाली होती. खराब प्रेमसंबंधामुळे तरुणीने बेडशीटच्या सहाय्याने गळफास घेऊन आत्महत्या केली.

तरुणी येथे अग्निवीरचे प्रशिक्षण घेत होती. नुकतीच तिची अग्निवीर योजनेंतर्गत निवड झाली. अपर्णा नायर असे मृत तरुणीचे नाव आहे. अपर्णा ‘आयएनएस हमला’वर प्रशिक्षणासाठी आल्या असताना ही घटना घडल्याचे एका अधिकाऱ्याने सांगितले. या घटनेची माहिती मिळताच नौदलाच्या डॉक्टरांना पाचारण करण्यात आले. प्राथमिक तपासणीनंतर डॉक्टरांनी मुलीला मृत घोषित केले. पोलीसही घटनास्थळी पोहोचले. पोलिसांनी मृतदेह ताब्यात घेतला असून तपास सुरू आहे.