आंतरराष्ट्रीय, लोकशाही न्यूज नेटवर्क:
तुम्ही अनेक बुद्धिबळप्रेमी पाहिले असतील, पण अलीकडेच चर्चेत आलेल्या या १० वर्षांच्या बुद्धिबळप्रेमी मुलीला तुम्ही पाहिले नसेल. या मुलीची बुद्धिबळाची आवड पाहून तुम्हालाही आश्चर्य वाटेल. बुद्धिबळावरील याच प्रेमामुळेच आज ही मुलगी सर्वांचे लक्ष वेधून घेत आहे. वास्तविक, पुनितमलार राजशेखर असे या मुलीचे नाव असून, ती मलेशियाची रहिवासी आहे, तिने नुकतीच डोळ्यांवर पट्टी बांधली आणि केवळ 45.72 सेकंदात बुद्धिबळाचा पट अतिशय अचूकपणे लावला. या प्रतिभेमुळे पुनितमलार राजशेकर हीचे नाव गिनीज वर्ल्ड रेकॉर्डमध्ये नोंदवले गेले आहे.
पुणितमलारच्या शाळेच्या प्रांगणात एका कार्यक्रमादरम्यान तिने आपल्या कौशल्याच्या जोरावर एका क्षणात बुद्धिबळाची पाटी लावली होती. यादरम्यान, पुनितमलारचे पालक आणि शिक्षक तसेच शाळा व्यवस्थापनाने विक्रमी बुद्धिबळाचा क्रॉस बोर्ड “याची दोही याची डोळा” पाहिला.
पुनीतमलर राजशेखर हिने गिनीज वर्ल्ड रेकॉर्डशी संवाद साधताना सांगितले, ‘माझे वडील माझे प्रशिक्षक आहेत आणि आम्ही जवळजवळ दररोज एकत्र खेळतो.’ 10 वर्षीय पुनीतमलर राजशेखर ने असा खुलासा केला की, असामान्य कामगिरीवर प्रकाश टाकणारा डॉक्युमेंटरी पाहिल्यानंतर त्यांना विश्वविक्रम करण्याचा प्रयत्न करण्याची कल्पना सुचली.
विक्रमी कामगिरीवर प्रकाश टाकताना पुनीतमलर राजशेखर म्हणाली की बुद्धिबळाचा तिच्या जीवनावर खोलवर परिणाम झाला आहे, ज्याचा तिला खूप अभिमान वाटतो. इतकंच नाही तर पुनीतमलर राजशेखर हिने इतर लोकांनाही प्रेरणा देण्यासाठी काम करण्याची इच्छा व्यक्त केली आहे. ती पुढे म्हणाली, ‘लोकांना अतुलनीय यश मिळवण्यासाठी स्वतःला आव्हान देताना पाहून मलाही प्रेरणा मिळाली. लोक वैयक्तिक उद्दिष्टे ठेवतात आणि स्वतःला त्यांच्या मर्यादेच्या पलीकडे ढकलतात या कल्पनेने मी विशेषतः प्रभावित झाले आणि जागतिक विक्रम प्रस्थापित करण्याचा प्रयत्न करणे हा योग्य मार्ग वाटला.’
पुनीतमलर हिने सांगितले की, यासाठी तिने प्रथम किड्स गॉट टॅलेंट सारख्या विविध कार्यक्रमात भाग घेतला. ओळख मिळवण्यासाठी आवश्यकतेपेक्षा जास्त प्रयत्न केले. पुनितमलार हिच्या म्हणण्यानुसार, तिच्या वडिलांनी ध्येयावर लक्ष केंद्रित करण्याचा सल्ला दिला, त्यानंतर मी माझ्या कुटुंबासह विक्रम मोडण्याचा प्रयत्न करण्याचा निर्णय घेतला. इतकंच नाही तर, तंत्र आणि रणनीती समजून घेण्यासाठी पुनितमलारने पूर्वीच्या रेकॉर्ड धारकांच्या व्हिडिओंचा अभ्यास केला.
माहितीसाठी, आम्ही तुम्हाला सांगतो की, पुनीतमलर राजशेखर यांना 2022-2023 या वर्षासाठी आशियातील उत्कृष्ट बालक पुरस्काराने सन्मानित करण्यात आले आहे. याशिवाय, पुनितमलरने मलेशियाच्या किड्स गॉट टॅलेंट सारख्या शोमध्ये तिची प्रतिभा दाखवली आहे. पुनीतमलर राजशेखर यांना भविष्यात अवकाश शास्त्रज्ञ व्हायचे आहे.
