भडगाव, लोकशाही न्यूज नेटवर्क:
भडगाव तालुक्यात १६ वर्षीय अल्पवयीन मुलीचा हात पकडून तिचा विनयभंग केल्याची घटना घडली असून याप्रकरणी भडगाव पोलिस स्थानकात तरुणा विरुद्ध गुन्हा दाखल करण्यात आला आहे.
सविस्तर वृत्त असे की, तालुक्यातील एका गावात कुटूंबासमवेत राहणारी 16 वर्षीय अल्पवयीन मुलगी दि.6 ऑक्टोबर 2022 रोजी शाळेचा जिना उतरत असतांना आरोपीने मुलीचा हात पकडून तिला, माझ्या सोबत चल असे बोलून व अल्पवयीन मुलगी शाळेतून घरी मैत्रीणीसोबत जात असतांना मुलीच्या मागे जात शिट्टया वाजवित मुलीच्या मनास लज्जा उत्पन्न असे कृत्य केले. दरम्यान मुलीने घरी जावून आजीला सर्व हकीकत सांगीतली असता, मुलीची आजी संशयित आरोपीस समजविण्यासाठी गेली. यावेळी आरोपीने आजीलाही अश्लिल भाषेत शिवीगाळ केली.
दरम्यान याप्रकरणी अल्पवयीन मुलीच्या फिर्यादीवरुन आरोपी उमेश चंदुलाल पाटील रा. पिंपरीहाट ता. भडगाव याचे विरोधात भडगाव पोलीस स्टेशन येथे गु.र.नं. २८३/२०२२ भादवि ३५४, ३५४ (A), (१), (आय), ३५४ (डी), ५०९, ५०४ सह बा.ले.अ.सं. अधिनियम कलम ८,१२ प्रमाणे गुन्हा दाखल करण्यात आला आहे. पुढील तपास पोलीस निरीक्षक अशोक उतेकर यांच्या मार्गदर्शनाखाली सहाय्यक पोलीस निरीक्षक चंद्रसेन पालकर हे करीत आहेत.
