वरणगाव, लोकशाही न्यूज नेटवर्क:
भुसावळ तालुक्यातील वरणगाव पोलीस स्टेशन हद्दीतील एका विट भट्टी मजुराच्या मुलीला फुस लावून पळवून नेल्याची घटना दि २८ शुक्रवार रोजी उघडकीस आली आहे.
याबाबत वृत असे की, मूळ बुराहणपूर येथील असलेले व वरणगाव शिवरात विट्ट भट्टी येथे मजुरीच्या कामासाठी आलेले कामगार दि २८ शुक्रवार रोजी रात्री आठ वाजेला दैनंदिन काम आटपून झोपी गेले. दरम्यान लघुशंकेसाठी उठल्यानंतर त्यांना त्यांची मुलगी दिसुन आली नसल्याने आजू बाजूला शोध घेतला. मात्र मुलगी आढळून आली नाही. यामुळे त्यांना आपल्या अल्पवयीन मुलीला कोणीतरी आज्ञात व्यक्तीने फुस लावून पळवून नेल्याची शंका असल्याने अल्पवयीन मुलीच्या वडीलांनी वरणगाव पोलीस स्टेशनला दिलेल्या फिर्यादीवरून अज्ञाता विरोधात भा.द.वी कलम ३६३ प्रमाणे गुन्हा दाखल करण्यात आला असून घटनेचा पुढील तपास उप निरिक्षक परशुराम दळवी हे करीत आहेत.
