मुंबई, लोकशाही न्यूज नेटवर्क
अतरंगी कपडे आणि फॅशनमुळे नेहमी चर्चेत असलेली अभिनेत्री बिग बॉस फेम उर्फी जावेदला ( Urfi Javed ) गेल्या काही दिवसांपासून फोनवरून जीवे मारण्याची आणि बलात्काराच्या धमकी दिल्या जात आहेत. अश्लील भाषेत शिवीगाळ करून उर्फीला धमकी देण्यात आली आहे. या प्रकरणी गोरेगाव पोलीस स्टेशनमध्ये नविन गिरी नावाच्या व्यक्तीविरोधात तक्रार दाखल करण्यात आली असून पोलीस सध्या या प्रकरणाची चौकशी करत आहेत.
I’ve been receiving rape and death threats from this man everyday from new numbers . Unfortunately I’m not in india so I can’t file an official complaint and can’t do anything but here is his photo to make everyone aware about this guy @MumbaiPolice @CPMumbaiPolice pic.twitter.com/YaNgaijh4G
— Uorfi (@uorfi_) December 15, 2022
उर्फीने ( Urfi Javed ) ट्विटरवर मुंबई पोलिसांना टॅग करत लिहिलेय की, ‘मला या व्यक्तीकडून दररोज नवनवीन फोनवरून बलात्कार आणि जीवे मारण्याच्या धमक्या येत आहेत. दुर्दैवाने, मी भारतात नसल्यामुळे अधिकृत तक्रार दाखल करू शकत नाही. परंतु, या व्यक्तीची सर्वांना जाणीव करून देण्यासाठी त्याचा फोटो येथे अपलोड करत आहे @MumbaiPolice @CPMumbaiPolice.’ असे म्हटले होतं. यासोबत त्याने पाठवलेल्या अपमानास्पद संदेशाचा स्क्रीनशॉट देखील शेअर केला होता.
यानंतर मुंबई पोलिसांनी तिच्या ट्विटला उत्तर देत स्वत:हून कारवाई केली आहे. गोरेगाव पोलीस ठाण्यात नवीन रंजन गिरी याच्याविरोधात गुन्हा दाखल करण्यात आला आहे.