लोकशाही न्यूज नेटवर्क
वराड बुद्रुक (ता. धरणगाव) गावातील बसस्थानकासमोर वाहनाला वाचविण्याच्या प्रयत्नांत पेट्रोल टँकरच्या अपघातात चालकाचा उपचारापूर्वी मृत्यू झाल्याची घटना शनिवारी (दि. ३०) घडली. धरणगाव पोलिसात अपघाताची नोंद करण्यात आली आहे.
धरणगाव तालुक्यातील वराड बुद्रुक येथे लक्ष्मण माणिक वाडले (वय ५२) पटींनी आणि दोन मुलांसह वास्तव्याला होते. टॅंकरचालक म्हणून ते काम करत होते. शनिवारी वराड बुद्रुक गावातील बसस्थानकासमोरून ते जात असताना समोरून येणाऱ्या वाहनाला वाचविण्याच्या प्रयत्नात त्यांचा टँकरवरील ताबा सुटला आणि टँकर थेट नाल्यावरील पुलावरील कठड्यावर धडकला.
अपघातात चालक लक्षण वाडले गंभीर जखमी झाले असून, अपघात होताच नागरिकांनी लक्ष्मण वाडले यांना जळगाव येथील शाहसकीय वैद्यकीय महाविद्यालयात आणले. वैद्यकीय अधिकारी यांनी तपासणीअंती मृत घोषित केले. लक्ष्मण वाडले यांच्या मागे पत्नी, दोन मुले, विवाहित मुलगी, आई आणि भाऊ असा परिवार आहे.
