लोकशाही न्यूज नेटवर्क
जगभरात नवीन वर्षांचं स्वागत मोठ्या उत्साहत करण्यात येत आहे. मात्र नव्या वर्षाच्या पहिल्याच दिवशी एक हृदयद्रावक घटना समोर आली आहे. एका भीषण रस्ता अपघातात सहा मित्रांचा मृत्यू झाला आहे. ही घटना झारखंड येथील बिष्टुपूर पोलीस स्टेशनच्या हद्दीतील सर्किट हाऊस भागात झाली. या घटनेने परिसरात हळहळ व्यक्त केली जात आहे.
रिपोर्टनुसार, वेगात असलेल्या कारवरील नियंत्रण सुटल्याने ती पहिल्यांदा डिव्हायडला धडकली आणि नंतर एका झाडावर आदळून उलटली. या कार दुर्घटनेत कारमधील सहा जणांचा मृत्यू झाला आहे. धडक इतकी जबरदस्त होती की, याचा आवाज खूप दूरपर्यंत ऐकू आल्याने लोक घरातून बाहेर धावत आले.
स्थानिक नागरिकांना या घटनेची माहिती पोलिसांना दिली त्यानंतर पोलिसांनी मृतदेह ताब्यात घेऊन पोस्टमार्टमसाठी पाठवले, तसेच जखमींना बाहेर काढण्यात आले आहे. पोलिसांकडून हे तरुण कुठे पार्टी कारण्यासाठी गेले होते याचा शोध घेतला जात आहे.
सविस्तर माहितीनुसार, नव्या वर्षाच्या स्वागताची पार्टी करून हे तरुण घरी परतत असतात ही घटना घडली. रिपोर्टनुसार कारमध्ये बसलेले सर्व तरुण दारूच्या नशेत होते. सकाळ होताच घटनास्थळी गर्दी झाल्याचे पाहायला मिळाले. दरम्यान मृतदेहांना कारमधून बाहेर काढण्यासाठी क्रेनची मदत घेण्यात आली. सर्व मृत तरुण हे आरआयटी पोलीस स्टेशन हद्दीतील कुलुप्तांग येथील आहेत.
या अपघातात जखमी झालेल्या रविशंकर याच्या वडिल सुनील झा यांनी सांगितले की या दुर्घटनेत सहा जणांचा मृत्यू झाला आहे पण त्यांचा मुलगा बचावला आहे. मिळालेल्या माहितीनुसार, अपघातग्रस्त वाहानामध्ये आठ जण प्रवास करत होते. ज्यापैकी सहा जणांचा मृत्यू झाला आहे तर दोन जण बचावले आहेत.
