क्रीडा, लोकशाही न्यूज नेटवर्क:
श्रीलंका आणि बांगलादेश यांच्यातील सामन्यादरम्यान श्रीलंकेचा अनुभवी खेळाडू अँजेलो मॅथ्यूजला टाइमआऊट घोषित करण्यात आले. वास्तविक मॅथ्यूज चुकीचे हेल्मेट घालून मैदानात पोहोचला होता. त्यानंतर त्याने डकआऊटमधील त्याच्या टीमकडे दुसरे हेल्मेट आणायला सांगितले, या सगळ्यामध्ये बराच वेळ गेला होता. त्यामुळे पंचांनी मॅथ्यूजशी याबाबत चर्चा केली.
झालं असं की मॅथ्यूज मैदानावर उशिरा पोहोचला होता. यानंतर, जसे तो क्रीजवर पोहोचला आणि गार्ड घेतला तेव्हा त्याला लक्षात आले की त्याचे हेल्मेट योग्य नाही, त्यानंतर त्याने ड्रेसिंग रूमकडे बोट दाखवले आणि दुसरे हेल्मेट आणण्यास सांगितले. हे सगळं व्हायला खूप वेळ लागत होता. अशा स्थितीत बांगलादेशी खेळाडू यामुळे नाराज होते. शाकिब अल हसनने पंचांकडे “टाइम-आउट”चे आवाहन केले, त्यानंतर पंचांनी बांगलादेशच्या कर्णधाराचे अपील मान्य केले आणि मॅथ्यूजला बाद घोषित केले. “टाइम-आऊट” म्हटल्यावर मॅथ्यूज चांगलाच संतापला आणि पंचांशी वाद घालतानाही दिसला.
नियमानुसार, फलंदाज बाद झाल्यानंतर, इतर फलंदाजाला 3 मिनिटांच्या आत क्रीझवर पोहोचावे लागते परंतु मॅथ्यूज मैदानात पोहोचला होता परंतु निर्धारित वेळेत तो क्रीझवर येऊन चेंडूचा सामना करू शकला नाही. अशा स्थितीत बांगलादेशच्या कर्णधाराने टाइम आऊटचे आवाहन केले, जे पंचांनी मान्य केले. आंतरराष्‍ट्रीय क्रिकेटमध्‍ये टाइम आउट देणारा मॅथ्यूज जगातील पहिला फलंदाज बनला आहे.
Angelo Mathews became the first batter in international cricket to be dismissed in this manner 👀
Why was he given out? 🧐#CWC23 #BANvSLhttps://t.co/4VS5s1Nf5s
— ICC (@ICC) November 6, 2023
जेव्हा मॅथ्यूजला बाद घोषित करण्यात आले तेव्हा श्रीलंकेचा फलंदाज खूप संतापलेला दिसत होता आणि पॅव्हेलियनमध्ये जाताना त्याने त्याच्या हातातील हेल्मेटही फेकले. मॅथ्यूजला या निर्णयाने आश्चर्य वाटले. त्याचा विश्वास बसत नव्हता. मॅथ्यूजने बांगलादेशी कर्णधाराला समजवण्याचा प्रयत्नही केला पण नियमानुसार शाकिबने आऊटसाठी अपील केले होते, त्यामुळे मॅथ्यूज बाद होऊन पॅव्हेलियनमध्ये परतला.
Angelo Mathews leisurely walked out to the middle which took time, he had some issue with the helmet. He didn't reach the crease and called for another helmet.
– Bangladesh appealed for a time-out and the umpires followed the rules. pic.twitter.com/rrqtiIn2xX
— Mufaddal Vohra (@mufaddal_vohra) November 6, 2023
एमसीसीचा टाइम आऊटसाठी नियम – विकेट पडल्यानंतर किंवा फलंदाज निवृत्त झाल्यानंतर, येणाऱ्या फलंदाजाने 3 मिनिटांच्या आत क्रीजवर येऊन चेंडू खेळावा. तसे न झाल्यास विरोधी संघ फलंदाजासाठी वेळ काढण्याचे आवाहन करू शकतो आणि पंच नवीन फलंदाजाला बाद घोषित करू शकतात.
