मुंबई, लोकशाही न्यूज नेटवर्क
अक्षय आणि इम्रान यांचा खूप मोठा चाहता वर्ग आहे. सतत त्यांच्या संपर्कात राहण्यासाठी अभिनेता काही ना काही वेगळे करतांना दिसून येतात. आणि आत्ता तसाच काही सुखद धक्का चाहत्यांना मेट्रो मधून अक्षय कुमार (Akshay Kumar) आणि इम्रान हाश्मी (Imran Hashmi) यांनी दिला आहे. सध्या अक्षय कुमार हा त्याच्या आगामी सेल्फी या चित्रपटामुळे चर्चेत आहे. अक्षय कुमार या चित्रपटाचे प्रमोशन करताना दिसत आहे. “सेल्फी” (Selfie) या चित्रपटामध्ये अक्षय कुमार याच्यासोबत इम्रान हाश्मी देखील मुख्य भूमिकेत आहे.
अक्षय कुमार आणि इम्रान हाश्मी यांनी आज चाहत्यांना मोठा धक्का दिला आहे. सेल्फी चित्रपटाचे प्रमोशन करण्यासाठी अक्षय कुमार आणि इम्रान हाश्मी हे थेट मुंबईच्या मेट्रोमध्ये पोहचले. या दोघांना पाहून चाहत्यांना मोठा धक्का बसला.कुठल्याही कार्यक्रमामध्ये न जाता अक्षय कुमार आणि इम्रान हाश्मी मुंबईच्या मेट्रोमध्ये चित्रपटाचे प्रमोशन करताना दिसले. दरम्यान, या दोघांनीही चेहऱ्यावर मास्क घातले होते.अक्षय कुमार आणि इमरान हाश्मी सामान्य लोकांसारखे मेट्रो स्टेशनवर पोहचले आणि मेट्रोमध्ये बसले. काही वेळ बसल्यानंतर जेव्हा प्रमोशनसाठी डान्सर्सची एन्ट्री झाली, तेव्हा लोकांना समजले की, आपण प्रवास नेमका कोणासोबत करत आहोत. अक्षय कुमार आणि इमरान हाश्मी यांनी चेहऱ्यावरील मास्क काढत मुंबईच्या मेट्रो ट्रेनमध्ये मैं खिलाडी तू अनारी या गाण्यावर जबरदस्त डान्स केला.
