पंढरपूर, लोकशाही न्यूज नेटवर्क
पंढरपूरमधून अपघाताची मोठी घटना समोर आली आहे. करमाळा जवळ ट्रक आणि कारचा भीषण अपघात झाला. या अपघातात कर्नाटकमधील गुलबर्गा येथील चार जणांचा जागीच मृत्यू झाला. करमाळा-नगर मार्गावरील पांडे गावाजवळ पहाटेच्या सुमारास हा अपघात झाला. मिळालेल्या अधिक माहितीनुसार, अपघाताची माहिती मिळताच घटनास्थळी करमाळा पोलीस दाखल झाले. अपघातात श्रीशेल कुंभार, शशिकला कुंभार, जेमी कुनशामत, शारदा हिरेमठ अशी मृत व्यक्तींची नवे आहेत. रस्ते अपघाताच्या घटना थांबायचे नाव घेत नाहीये. कालपासून राज्यात विविध ठिकाणी अपघाताच्या घटना घडत आहेत.
पुण्यात सोमवारी रात्री ११.३० सुमारास देखील भीषण अपघाताची घटना घडली होती. यामध्ये दोन दुचाकी सामोरासोमोर धडकल्या अन २ जणांचा जागीच मृत्यू झाला. यातील एक तरुण फूड डिलिव्हरीमध्ये काम करत होता. अपघात झाला त्यावेळी देखील तो याच कामासाठी दुचाकीने घराबाहेर पडला. मात्र वाटेत काळाने त्याच्यावर घाला घातला.
