अमरावती, लोकशाही न्यूज नेटवर्क:
अमरावतीच्या खासदार व आपल्या रोकठोक बोलण्याच्या शैलीने सर्वांना परिचित असणाऱ्या नवनीत राणांच्या अडचणीत चांगलीच वाढ झाल्याचे वृत्त आहे. त्यांच्याविरोधात मुंबई न्यायालयाने अजामीनपात्र अटक वॉरंट काढले आहे.
त्यांच्यावर जातीचा दाखला मिळवण्यासाठी शाळा सोडल्याचा खोटा दाखला दिल्याचा आरोप आहे. तसेच याप्रकरणी त्यांच्या वडिलांच्या विरोधातही हे वॉरंट जारी करण्यात आले आहे. दरम्यान, यासंदर्भात त्यांच्याविरोधात मुलुंड पोलीस ठाण्यात गुन्हा दाखल करण्यात आला होता.