नवी दिल्ली, लोकशाही न्यूज नेटवर्क
मार्च २०२२ साठी रिझर्व्ह बँक ऑफ इंडियाने बँक सुट्ट्यांची यादी प्रसिद्ध केली आहे. जर तुम्हाला मार्च महिन्यात बँकेशी संबंधित कोणतेही काम करायचे असेल, तर शाखेत जाण्यापूर्वी, बँकेच्या सुट्टीची यादी नक्कीच तपासा.
आरबीआयने जारी केलेल्या यादीनुसार मार्च २०२२ मध्ये एकूण १३ दिवस बँका बंद राहतील.
मार्चमध्ये, एकूण १३ दिवसांच्या बँक सुट्ट्यांपैकी ४ सुट्ट्या रविवारी असतात. यातील अनेक सुट्ट्याही सातत्याने पडणार आहेत. या सुट्ट्या वेगवेगळ्या राज्यांमध्ये आहेत. या सर्व सुट्ट्या सर्व राज्यांमध्ये लागू होणार नाहीत. त्याच वेळी, आरबीआयच्या मार्गदर्शक तत्त्वांनुसार, रविवार व्यतिरिक्त महिन्याच्या दुसऱ्या आणि चौथ्या शनिवारी बँका बंद असतात.
अशी आहे सुट्ट्यांची यादी
१ मार्च महाशिवरात्री – आगरतळा, ऐझॉल, चेन्नई, गंगटोक, गुवाहाटी, इम्फाळ, कोलकाता, नवी दिल्ली, पणजी, पाटणा आणि शिलॉंग वगळता इतर ठिकाणी बँका बंद.
३ मार्च -लोसर – गंगटोकमध्ये बँक बंद.
४ मार्च- चपचर कुट- आयझॉलमध्ये बँक बंद.
६,१३,२० आणि २७ मार्च रविवार असल्यामुळे साप्ताहिक सुट्टी असेल.
१२ मार्च- शनिवारी महिन्याचा दुसरा शनिवार.
१७ मार्च- होलिका दहन- डेहराडून, कानपूर, लखनौ आणि रांचीमध्ये बँका बंद राहतील.
१८ मार्च- होळी, डोल जत्रा- बेंगळुरू, भुवनेश्वर, चेन्नई, इंफाळ, कोची, कोलकाता आणि तिरुवनंतपुरम व्यतिरिक्त इतर ठिकाणी बँका बंद आहेत.
१९ मार्च – होळी- भुवनेश्वर, इंफाळ आणि पाटणा येथे बँका बंद.
२२ मार्च – बिहार दिन- पाटण्यात बँक बंद.
२६ मार्च महिन्याचा चौथा शनिवार सुट्टी राहील.
