जळगावात खुनाची मालिका सुरूच.. ३५ वर्षीय तरुणाचा खून

0

जळगाव, लोकशाही न्यूज नेटवर्क

जळगाव शहरात जणूकाही खुनाची मालिकाच सुरु आहे. गेल्या चोवीस तासांमध्ये दुसरा खून झाला आहे. शहरातील शिवाजीनगर हुडको भागात ३५ वर्षीय तरुणाचा खून झाला आहे. या घटनेने परिसरात मोठी खळबळ उडाली आहे.

नरेश आनंदा सोनवणे (वय ३५) असे मृत तरुणाचे नाव आहे. नरेश सोनवणे हा रिक्षा चालून आपल्या कुटुंबियांचे उदारनिवार्ह करीत होता. दरम्यान घटनास्थळी पोलीस उपअधीक्षक कुमार चिंथा, शहर पोलीस ठाण्याचे निरीक्षक विजय ठाकूरवाड हे पथकासह पोहचले आहेत. याप्रकरणी अधिक माहिती घेणे सुरू आहे. नेमकं खून कशामुळे झाला असून कोणी केला हे अद्याप स्पष्ट झाले नाहीय. चॉपरने वार करून खून करण्यात आल्याची प्राथमिक माहिती पोलिसांनी दिली आहे.

जळगाव शहरातील समतानगर येथे अनैतिक संबंधावरून एका तरुणाचा खून करण्यात आला. ही घटना ताजी असतानाच चोवीस तासात अजून एक खून झाला. यामुळे जळगाव शहरात मोठी खळबळ उडाली आहे. वाढत्या गुन्हेगारीमुळे शहरात भीतीदायक वातावरण निर्माण झाले आहे. वाढत्या गुन्हेगारीला आळा घालण्याचे आव्हान आता पोलिसांसमोर उभे आहे.

 

Leave A Reply

Your email address will not be published.