पाळधी ता. धरणगाव, लोकशाही न्यूज नेटवर्क
महाराष्ट्र प्रदेश काँग्रेस सोशल मिडीयाची राज्य कार्यकारिणी काँग्रेस सोशल मिडीया विभागाचे राष्ट्रीय अध्यक्ष रोहन गुप्ता व महाराष्ट्र प्रदेश काँग्रेसचे प्रदेशाध्यक्ष नाना पटोले यांच्या मान्यतेने महाराष्ट्र प्रदेश काँग्रेस सोशल मिडीयाचे अध्यक्ष विलास मुत्तेमवार यांनी नुकतीच जाहीर केली.
या कार्यकारिणीत पाळधी जिल्हा जळगाव येथील काँग्रेस कार्यकर्ते डाॅ. व्ही. डी. पाटील यांची राज्य उपाध्यक्ष म्हणून निवड करण्यात आली आहे.
डॉ. व्हि. डी. पाटील हे सर्वसामान्यांसाठी झटणारे कार्यकर्ते आहेत ते गोरगरिबांसाठी लढणारे आहे त्यांना मानणारा पाळधी परिसरात एक मोठा गट आहे.
या निवडीबद्दल डाॅ. व्ही. डी. पाटील यांचे प्रदेश काँग्रेसचे उपाध्यक्ष आमदार शिरिषदादा चाैधरी, माजी खासदार डाॅ. उल्हास पाटील, जळगाव जिल्हा काँग्रेसचे अध्यक्ष बाळासाहेब प्रदीप पवार, जळगाव जिल्हा महिला काँग्रेस अध्यक्षा सुलोचनाताई वाघ, सोशल मिडीयाचे उत्तर महाराष्ट्र समन्वयक ज्ञानेश्वर चव्हाण व राज्यभरातील काँग्रेस कार्यकर्ते तसेच पाळधी परिसरातील पदाधिकारी कार्यकर्त्यांनी अभिनंदन केले.