लोकशाही न्यूज नेटवर्क
चाळीसगाव विधानसभा मतदारसंघात विकासकामांचा धडाका सुरु असून आ. मंगेश चव्हाण यांनी “संक्रांतीच्या” मुहूर्तावर शहर वासियांना विकासकामांची गोड भेट दिली आहे. नगरविकास विभागाच्या वैशिष्ट्यपूर्ण योजनेतून शहरातील १८ खुल्या जागा (ओपन प्लेस) च्या विकासासाठी १० कोटी रुपयांचा निधी मंजूर झाला आहे.
गेल्या अनेक वर्षांपासून नागरिकांची मोठ्या प्रमाणावर मागणी असलेल्या या खुल्या जागा आता मोकळा श्वास घेणार आहेत. घाणीच्या साम्राज्यात व विविध समस्यांच्या गर्तेत असणाऱ्या या जागांचे अत्याधुनिक असे सुशोभीकरण करण्यात येणार असल्याने शहराच्या सौंदर्यात भर पडणार आहे. लवकरच या कामांच्या निविदा होऊन प्रत्यक्षात कामांना सुरुवात होणार असल्याची माहिती आमदार चव्हाण यांनी दिली आहे.
सदर विकासकामांसाठी भरघोस निधी उपलब्ध करून दिल्याबद्दल आमदार मंगेश चव्हाण यांनी राज्याचे मुख्यमंत्री एकनाथ शिंदे , उपमुख्यमंत्री देवेंद्र फडणवीस , ग्रामविकासमंत्री ना.गिरीषमहाजन, पालकमंत्री ना.गुलाबरावपाटील यांचे आभार मानले आहेत.
मंजूर झालेल्या १८ खुल्या जागा व त्यांचा मंजूर निधी पुढीलप्रमाणे –
१ – शास्त्रीनगर घृष्णेश्वर हाउसिंग सो. सा. मधील खुली जागा विकसित करणे – ६५ लाख
२ – धुळे रोड जोंडीअर शोरूम मागील खुली जागा विकसित करणे. – ५० लाख
३ – शास्त्रीनगर दुर्गादेवी मंदिराजवळील खुली जागा विकसित करणे. – ६५ लाख
४ – यश नगरी मधील खुली जागा विकसित करणे. – ६० लाख
५ – हिरापूर रोड इच्छादेवी नगर मधील खुली जागा विकसित करणे. – ६० लाख
६ – हिरापूर रोड गट नंबर ३१५/१/२/३ मधील खुली जागा विकसित करणे. – ५० लाख
७ – बंजारा कॉलनी हाउसिंग सो. सा. मधील खुली जागा विकसित करणे. – ६० लाख
८ – मालेगाव रोड वृंदावन नगर मधील खुली जागा विकसित करणे. – ६० लाख
९ – नारायण वाडी देवकर मळ्यालगत खुली जागा विकसित करणे. – ५० लाख
१० – करगाव रोड महाराणा प्रताप हाउसिंग सो. सा. मधील खुली जागा विकसित करणे. – ५५ लाख
११ – धुळे रोड स्वामी समर्थ नगर मधील खुली जागा विकसित करणे. – ६० लाख
१२ – धुळे रोड पुंशी पेट्रोल पंप लगत खुली जागा विकसित करणे. ५५ लाख
१३ – नवलेवाडी हनुमान मंदिरात जवळील खुली जागा विकसित करणे. – ५० लाख
१४ – हुडको मधील वाल्मिक नगर मधील खुली जागा विकसित करणे. – ५० लाख
१५ – घाट रोड गोकुळधाम नगर मधील खुली जागा विकसित करणे. – ५० लाख
१६ – सुवर्णाताई नगर गट नंबर ३२३/३/अ मधील खुली जागा विकसित करणे. ५५ लाख
१७ – प्रेरणा हाऊसिंग सो. सा. मधील खुली जागा विकसित करणे. – ५५ लाख
१८ – करगाव रोड लगत वृंदावन कॉलनी मधील खुली जागा विकसित करणे. – ५० लाख
