नवी दिल्ली, लोकशाही न्यूज नेटवर्क;
दिल्लीला लागून असलेल्या नोएडाच्या सेक्टर 113 पोलीस स्टेशन परिसरात भीषण अपघात झाला आहे. येथील आम्रपाली सोसायटी सेक्टर-119 येथील आम्रपाली प्लॅटिनम सोसायटीमध्ये चालत्या कारला आग लागली. काही वेळातच संपूर्ण कार जळून खाक झाली. आगीची माहिती मिळताच पोलीस आणि अग्निशमन दलाचे पथक घटनास्थळी दाखल झाले. अग्निशमन दलाने आग विझवली असून गाडीतून दोन जणांचे मृतदेहही बाहेर काढण्यात आले आहेत. दरम्यान फॉरेन्सिक टीम घटनास्थळी पोहोचली आहे. या घटनेनंतर पोलिसांनी आता या प्रकरणाचा तपास सुरू केला आहे.
#WATCH थाना सेक्टर-113 नोएडा पर सूचना मिली कि आम्रपाली प्लेटिनम सोसायटी सेक्टर-119 के सामने एक कार में आग लग गई है। मौके पर पहुंचकर फायर बिग्रेड की मदद से आग को बुझा दिया गया है। कार से 2 लोगों के शव को निकाला गया है, फॉरेंसिक टीम को बुलाया गया है। जांच जारी है। दोनों लोगों की… pic.twitter.com/39TnDScQEH
— ANI_HindiNews (@AHindinews) November 25, 2023
चालत्या कारला भीषण आग लागली
याप्रकरणी पोलीस कारवाई करत असून वाहनाची ओळख पटवली जात आहे. यासंदर्भात अतिरिक्त डीसीपी नोएडा शक्ती मोहन अवस्थी यांनी सांगितले की, सुरुवातीला गाडी थांबली होती. त्यानंतर ती कार चालू लागताच तिला अचानक आग लागते. कारमध्ये कोण कोण होते आणि गाडीला आग कशी लागली याचा तपास पोलिस करत आहेत. पोलिसांनी दोघांचेही मृतदेह ताब्यात घेऊन पोस्टमॉर्टमसाठी पाठवले आहेत.
जिवंत जळून मृत्यू
आतापर्यंत मिळालेल्या माहितीनुसार, आग लागलेली ती कार पांढऱ्या रंगाची स्विफ्ट आहे. सकाळी 6.08 च्या सुमारास कारला आग लागली. यावेळी कार आम्रपाली प्लॅटिनम सोसायटीसमोरून जात होती. त्याची छायाचित्रेही सीसीटीव्हीत कैद झाली आहेत. अचानक, तीन मिनिटांत कारने पेट घेतला. सोसायटीबाहेर कारला आग लागल्याची घटना घडल्यानंतर तत्काळ पोलिसांना माहिती देण्यात आली. यानंतर अग्निशमन दल आणि पोलिसांचे पथक घटनास्थळी पोहोचले. कारमधून मिळालेले दोन्ही मृतदेह पुरुषांचे असल्याचे सांगण्यात येत आहे. आग लागल्यानंतर कारमधून बाहेर पडता न आल्याने दोघांचाही जिवंत जळून मृत्यू झाला. मिळालेल्या माहितीनुसार, गाडीचा क्रमांक गाझियाबादचा असल्याचे सांगण्यात येत आहे.
