भाजपचे निकालाआधीच खाते उघडले; काँग्रेसच्या उमेदवाराचा अर्ज रद्द झाल्याने बिनविरोध निवड…
सुरत, लोकशाही न्यूज नेटवर्क;
लोकसभा निवडणुकीला सुरुवात झाली आहे. दरम्यान, गुजरातमधील सुरतमध्ये एक अनोखी गोष्ट समोर आली आहे. येथून भाजपचे उमेदवार मुकेश दलाल यांना मतदानापूर्वीच बिनविरोध विजयी घोषित करण्यात आले आहे. प्रत्यक्षात आज सर्व 8 उमेदवारांनी अर्ज मागे घेतल्याने मुकेश यांना विजयी घोषित करण्यात आले. काँग्रेसचे उमेदवार नीलेश कुंभानी यांचा उमेदवारी अर्ज यापूर्वीच अवैध ठरवून रद्द करण्यात आला होता.
बिनविरोध विजयावर काय म्हणाले मुकेश दलाल?
सुरत लोकसभा मतदारसंघातून भाजपचे मुकेश दलाल बिनविरोध निवडून आल्याचे वक्तव्य समोर आले आहे. आज मला निर्विवाद विजेता घोषित करण्यात आल्याने गुजरात आणि देशात पहिले कमळ फुलले असल्याचे त्यांनी म्हटले आहे. माझ्यावर विश्वास दाखवल्याबद्दल मी पंतप्रधान मोदी, गृहमंत्री अमित शहा, पक्षाध्यक्ष जेपी नड्डा, राज्याचे मुख्यमंत्री आणि राज्य भाजप प्रमुख यांचे आभार मानतो. पूर्ण बहुमताचे सरकार स्थापनेच्या दिशेने टाकलेले हे पहिले पाऊल आहे.
गुजरात: सूरत लोकसभा सीट से निर्विरोध निर्वाचित होने पर बीजेपी के मुकेश दलाल ने कहा," आज मुझे निर्विवादित विजय घोषित किया गया है तो गुजरात और देश में पहला कमल खिला है…मैं मुझ पर विश्वास दिखाने के लिए पीएम मोदी, गृह मंत्री अमित शाह, पार्टी अध्यक्ष जेपी नड्डा, राज्य के सीएम और… https://t.co/bEukreBvvk pic.twitter.com/X5WigETQOe
— ANI_HindiNews (@AHindinews) April 22, 2024
मतदान न करता कसे जिंकले?
या जागेसाठी एकूण 10 उमेदवारांनी उमेदवारी अर्ज दाखल केले होते. नंतर काँग्रेस उमेदवाराचा अर्ज रद्द करण्यात आला. यानंतर भाजपचे उमेदवार मुकेश दलाल यांच्या विरोधात एकूण आठ उमेदवार होते. आता त्या उमेदवारांनी उमेदवारी अर्ज मागे घेतल्याने भाजप उमेदवाराचा विजय निश्चित झाला.
संपूर्ण प्रकरण समजून घ्या
सुरत मतदारसंघातून अपक्ष आणि इतर पक्षांच्या उमेदवारांनी आधीच आपली नावे मागे घेतली होती. यानंतर भाजपचे मुकेश दलाल आणि बसपचे प्यारेलाल हे दोनच उमेदवार राहिले. मात्र, उमेदवारी अर्ज मागे घेण्याच्या प्रक्रियेदरम्यान आज म्हणजेच सोमवारी बसपचे उमेदवार प्यारेलाल यांनी आपला फॉर्म मागे घेतला, तर भाजपचे उमेदवार मुकेश दलाल यांना या जागेवर बिनविरोध विजयी घोषित करण्यात आले आहे. त्याची अधिकृत घोषणाही करण्यात आली.
