जळगाव , लोकशाही न्युज नेटवर्क
एमआयडीसी परिसरातील एच.डी.फायर कंपनीमध्ये चोरी करणाऱ्या तिघांना एमआयडीसी पोलिसांनी अटक केल्यानंतर आता पोलिसांनी चोरीचा माल विकत घेणाऱ्या भंगार व्यावसायिकाला अटक केली आहे .अल्लाउद्दीन सलीम पटेल (रा. सुप्रिम कॉलनी) असे अटक केलेल्या संशयिताचे नाव आहे.
एच.डी.फायर कंपनीमधून १ लाख ४५ हजार रूपयांचा ऐवज चोरून नेणारे देवानंद कोळी, विक्की कोळी आणि ईश्वर महाजन यांना कुसूंबा व सुप्रिम कॉलनीमधून एमआयडीसी पोलिसांनी ताब्यात घेतले होते. तिघांची पोलीस कोठडीत रवानगी झाल्यानंतर पोलिसांनी चोरीचा माल कुणाला विकला याचा जाब विचारला असता चोरीचा माल हा सुप्रिम कॉलनी येथील महाराष्ट्र स्क्रॅप नामक दुकान चालविणाऱ्या अल्लाउद्दीन पटेल याला विकल्याचे सांगितले.
आज बुधवारीअल्लाउद्दीन पटेल याला पोलिसांनी अटक केली. न्यायालयात हजर केले असता १२ मे पर्यंत पोलिस कोठडी सुनावण्यात आली आहे. सरकार पक्षातर्फे ॲड. रंजना पाटील यांनी कामकाज पाहिले. सहाय्यक फौजदार अतुल वंजारी, साईनाथ मुंढे तपास करीत आहेत.
