गाझियाबाद, लोकशाही न्यूज नेटवर्क;
गाझियाबादमध्ये धावत्या कारमध्ये १० वर्षांच्या मुलीवर सामूहिक बलात्कार झाल्याची घटना घडली होती. त्या प्रकरणी अटक करण्यात आलेल्या आरोपीने एका हवालदाराचे पिस्तूल हिसकावून पळून जाण्याचा प्रयत्न केला, तेव्हा पोलीस अधिकाऱ्यांनी त्याच्यावर गोळीबार केला. आरोपी नराधम आणि त्याच्या साथीदाराने मुलीला घरी सोडण्याच्या बहाण्याने तिच्यावर बलात्कार केला होता.
पीडितेच्या आईने दाखल केलेल्या तक्रारीनुसार, मुलगी रविवारी गाझियाबादच्या लोनी येथे तिच्या घराजवळ लग्नाची वरात पाहण्यासाठी गेली होती. त्यावेळी दोघांनी त्यांना त्यांच्या कारमध्ये घरी सोडण्याची ऑफर दिली. यानंतर आरोपी नाजिम आणि झाकीर यांनी मुलीवर चालत्या वाहनात बलात्कार केला आणि घटनास्थळावरून पळ काढला.
एसीपी सूर्यबली मौर्य म्हणाले, “आईने मंगळवारी तक्रार नोंदवली आणि आम्ही गुरुवारी नाझीम आणि 58 वर्षीय झाकीरला अटक केली. आम्ही नाझीमला गुन्ह्याच्या ठिकाणी नेले तेव्हा त्याने एका हवालदाराचे पिस्तूल हिसकावले आणि पळून जाण्याचा प्रयत्न केला.” त्याला थांबवण्यासाठी त्याच्या दोन्ही पायात गोळी लागली आणि त्याला हॉस्पिटलमध्ये दाखल करण्यात आले आहे.”