कजगाव, लोकशाही न्यूज नेटवर्क
भडगाव तालुक्यातील कजगाव येथे एक भयंकर घडली आहे. आठ दराेडेखाेरांनी दाेन घरांमध्ये सशस्त्र दराेडा टाकून दागिने व राेकड असा जवळपास साडे सहा लाखांचा ऐवज लुटला. रविवारी मध्यरात्रीनंतर एक ते दाेन वाजेच्या दरम्यान पारोळा रोड व रेल्वे स्टेशन परिसरात ही घडली. दराेडेखाेरांनी घरातील लाेकांना शस्त्रांचा धाक दाखवत तसेच एका ठिकाणी सहा महिन्याच्या बाळाच्या गळ्याला तलवार लावून लूट केली. हे ७ ते ८ दराेडेखाेर हे हिंदी भाषिक तसेच २५ ते ३० वयाेगटातील असून त्यांनी चेहऱ्यांना मास्क लावलेले हाेते.
लॉकतोडून घरात प्रवेश
पहिल्या घटनेत कजगाव येथील रेल्वे स्टेशन परिसरात राजश्री नितीन देशमुख (वय ४८) ह्या आपल्या कुटुंबीयांसह राहतात. रविवारी रात्री त्या घरी एकट्याच होत्या. त्यांची सासू व मुलगा हे बाहेरगावी गेले होते. रात्री त्या झाेपलेल्या असताना दरोडेखोरांनी त्यांच्या घराच्या दरवाजाचे लॉकतोडून घरात प्रवेश केला. व राजश्री देशमुख यांना मारहाण करत पैशांची मागणी केली. तसेच घरातील सामान अस्ताव्यस्त केले. राजश्री देखमुख यांच्या घरातून ३ लाखांचे दागिने व १ लाख रुपयांची राेकड लुटल्याचे सांगितले जात आहे.
बाळाला वेठीस धरले
दुसऱ्या घटनेत दरोडेखोरांनी घरातील ६ महिन्याचे लहान बाळाला तलवार लावून जिवे मारण्याची धमकी देत पैशांची मागणी केली. दरोडेखोरांकडे तलवार, लोखंडी सळई अशी शस्त्रे हाेती. येथून दागिने व राेकड अडीच लाखांचा ऐवज लुटल्याची माहीती समोर आली आहे.
अंगावरचे दागिने कटरने कापले
दरोडेखोर पारोळा रोडवरील ओंकार चव्हाण यांच्या घराचा मागील दरवाजा तोडून घरात प्रवेश केला. या वेळी चव्हाण कुटुंबीय झोपलेले होते. दरोडेखोरांनी चव्हाण कुटुंबीयांनाही मारहाण करत घरातील स्त्रियांच्या अंगावरील दागिने हिसकवले. तसेच त्यांच्या अंगांवरचे दागिने कटरने कापल्याचे महिलांनी सांगितले.
