बलात्काराच्या आरोपीला 80 वर्षांची शिक्षा; मात्र 20 वर्षेच तुरुंगात राहणार!
केरळ, लोकशाही न्यूज नेटवर्क:
केरळ न्यायालयाने गुरुवारी एका व्यक्तीला आपल्या पत्नीच्या नात्यातील 14 वर्षांच्या बहिणीवर बलात्कार करून तिला गर्भवती केल्याप्रकरणी एकूण 80 वर्षांच्या तुरुंगवासाची शिक्षा सुनावली आहे. वृत्तानुसार, या व्यक्तीने 2020 मध्ये राज्यातील इडुक्की जिल्ह्यात ही घटना घडवली होती. अल्पवयीन मुलीवर बलात्कार केल्याप्रकरणी दोषी व्यक्तीला न्यायालयाने 40 हजार रुपयांचा दंडही ठोठावला आहे. पत्नीच्या गैरहजेरीत नराधमाने घरातच हा गुन्हा केला होता, त्यामुळे अल्पवयीन मुलीने नंतर मुलाला जन्म दिला.
त्यामुळे बलात्काराच्या गुन्ह्यात दोषी ठरलेली व्यक्ती केवळ 20 वर्षे तुरुंगात राहील.
न्यायालयाच्या आदेशाचा तपशील शेअर करताना, विशेष सरकारी वकील (एसपीपी) शिजो मोन जोसेफ म्हणाले की, दोषीला वेगवेगळ्या कलमांतर्गत शिक्षा सुनावण्यात आली आहे त्यामुळे त्याला एकूण 80 वर्षांची शिक्षा झाली आहे. या सर्व शिक्षा एकत्र चालतील, त्यामुळे त्याला केवळ 20 वर्षे तुरुंगात राहावे लागेल, ही एका कलमांतर्गत त्याला झालेली सर्वोच्च शिक्षा आहे, असे त्याने सांगितले. इडुक्की फास्ट ट्रॅक कोर्टाचे न्यायाधीश टी.जी. वर्गीस यांनी लैंगिक अत्याचाराशी संबंधित विविध कलमांखाली वेगवेगळ्या कालावधीची शिक्षा ठोठावली आहे आणि लैंगिक अपराधांपासून मुलांचे संरक्षण (POCSO) कायद्यांतर्गत दोषीला 40,000 रुपयांचा दंडही ठोठावला आहे.
पीडितेला एक लाखाची भरपाई देण्याचे आदेश
जोसेफ यांनी दिलेल्या माहितीनुसार, न्यायालयाने जिल्हा विधी सेवा प्राधिकरणाला पीडितेला तिच्या पुनर्वसनासाठी एक लाख रुपयांची भरपाई देण्याचे निर्देश दिले आहेत. एसपीपी म्हणाले की, पत्नी घरी नसताना त्या व्यक्तीने मुलीवर बलात्कार केला. गरोदर मुलीने मुलाला जन्म दिल्याने ही घटना उघडकीस आल्याचे त्यांनी सांगितले. सरकारी वकिलांनी सांगितले की, राजक्कड पोलिस ठाण्यात दाखल झालेल्या गुन्ह्यात फिर्यादी पक्षाने २३ साक्षीदार आणि २७ कागदपत्रे सादर केली होती.
