पिंपळनेर, ता.साक्री :दोन दुचाकी चोरट्यां पिंपळनेर पोलिसांनी अटक केली असून त्यांच्याकडून चोरीच्या तब्बल 20 दुचाकी जप्त केल्या आहेत. आरोपींनी साक्री, सटाणा, नाशिक ग्रामीण व मालेगाव परिसरातून या दुचाकी चोरी केल्याची कबुली दिली आहे. शामील पांडु बागुल (21, शेंदवड, ता.साक्री) व रोशन सुरेश गायकवाड (23, विरगाव, ता.बागलाण) अशी अटकेतील आरोपींची नावे आहेत.
धुळे पोलीस अधीक्षक संजय बारकुंड, अपर पोलीस अधीक्षक किशोर काळे, उपविभागीय पोलीस अधिकारी साजन सोनवणे यांच्या मार्गदर्शनाखाली प्रभारी अधिकारी श्रीकृष्ण पारधी, भाईदास मालचे, लक्ष्मण गवळी, कांतीलाल अहिरे, प्रकाश सोनवणे, अतुल पाटील, भास्कर सूर्यवंशी, राकेश बोरसे, प्रणय सोनवणे, पंकज माळी, विजयकुमार पाटील, रवींद्र सूर्यवंशी, पंकज वाघ, दावल सैंदाणे, नरेंद्र परदेशी आदींनी ही कारवाई केली.