जामनेर ;- तालुक्यातील पहूर येथील पोलीस निरीक्षक प्रताप इंगळे यांची जालना येथे बदली झाली असून, त्यांनी रविवारी पदभार सोडला. त्यांच्या जागेचा पदभार छत्रपती संभाजीनगरातील पोलीस निरीक्षक सचिन सानप यांनी स्वीकारला आहे.
सचिन सानप यांची सन २००६ मध्ये पोलीस दलात सहायक पोलीस निरीक्षक म्हणून पदोन्नती झाली. यानंतर नगर, श्रीगोंदा, सोनई तसेच जळगाव जिल्ह्यातील पाचोरा, पारोळा, वरणगाव येथे त्यांनी कर्तव्य बजावले आहे. पोलीस निरीक्षकपदी बढती मिळाल्यानंतर त्यांनी छत्रपती संभाजीनगरातील बेगमपुरा, वेदांतनगर या पोलीस ठाण्याची धुरा सांभाळली होती. आता छत्रपती संभाजीनगरातून त्यांची जळगाव जिल्ह्यातील पहुर पोलीस ठाण्यात नियुक्ती झाली आहे.