अमरावती, लोकशाही न्यूज नेटवर्क
प्रहार संघटनेचे नेते माजी मंत्री बच्चू कडू (Bacchu Kadu) यांचा रस्ता ओलांडताना अपघात (Accident) झाला आहे. दुचाकीने जोरदार धडक दिल्याने त्यांच्या डोक्याला, हाताला आणि पायाला जबर मार लागला असून त्यांच्या डोक्यातून मोठ्या प्रमाणावर रक्तस्त्राव झाला आहे. सुदैवाने बच्चू कडू या अपघातातून बचावले आहेत. त्यांना जवळच्या रुग्णालयात दाखल करण्यात आलं असून त्यांची प्रकृती चांगली असल्याची माहिती वैद्यकीय सूत्रांनी दिली आहे.
आज पहाटे 6 ते 6.30च्या दरम्यान आमदार बच्चू कडू हे रस्ता ओलांडत होते. त्याचवेळी सुस्साट वेगात आलेल्या दुचाकीने बच्चू कडू यांना जोरदार धडक दिली. त्यामुळे बच्चू जागेवरच कोसळले. त्यांच्या डोक्याला, हाताला आणि पायाला जबर मार लागला. डोक्याला मार लागल्याने मोठा रक्तस्त्राव झाला.
डोक्याला आणि उजव्या पायाला मोठ्या प्रमाणात इजा झाल्याची माहिती आहे. बच्चू कडू यांच्या डोक्याला जबर मार लागला. त्यामुळे त्यांच्या डोक्याला चार टाके मारण्यात आले. त्यांच्या डोक्याला आणि पायाला बँडेज लावण्यात आल्या आहेत. मात्र, त्यांची प्रकृती धोक्याबाहेर असून चिंतेचं काही कारण नसल्याचं सांगण्यात आलं.