लोकशाही न्यूज नेटवर्क
दिग्दर्शक करण जोहरचा प्रसिद्ध पहिलाच सिनेमा ‘कुछ कुछ होता है’ याने खूप जास्त प्रेक्षकांचं प्रेम मिळवलं होत. ‘कुछ कुछ होता है’ हा चित्रपट पाहिला नाही असं कोणीच नसेल. ९० च्या दशकात या सिनेमाने तरुणांना प्रेमाचं वेड लावलं. आजही या सिनेमाची सर्वत्र चर्चा आहे. या सिनेमाला रिलीज होऊन तब्बल २५ वर्ष झाली आहेत. यानिमित्ताने हा सिनेमा पुन्हा थिएटरमध्ये रिलीज करण्यात येणार आहे.
धर्मा प्रोडक्शनकडून ‘कुछ कुछ होता है’ रि-रीलीज आणि स्पेशल स्क्रीनिंगची घोषणा करण्यात आली. मेकर्सने सांगितले की, 15 ऑक्टोबरला शाहरुख खान, काजोल आणि राणी मुखर्जीचा ‘कुछ कुछ होता है पुन्हा एकदा थिएटरमध्ये पाहण्याची पाहण्याची संधी मिळणार आहे. विशेष म्हणजे काही मिनिटातच सिनेमाचे तिकीट्स बुक झाले. शो हाऊसफुल झाला. त्यातूनच सर्वांनाच या सिनेमाची किती क्रेझ आहे हे समजत आहे.
सिनेमाच्या तिकीट दराबाबत बोलायचं तर सर्वांनाच अगदी परवडेल असे दर तिकिटाचे ठेवण्यात आले आहे. २५ वर्ष पूर्ण झाल्यानिमित्ताने याचे तिकीट दरही केवळ २५ रुपये ठेवण्यात आले आहे. १५ ऑक्टोबरला मुंबईतील वर्सोवा येथे पीव्हीआर आयकॉन थिएटरमध्ये संध्याकाळी ७ आणि 7.15 असे दोन शो दाखवण्यात येणार आहे. बघता बघता सर्व शो फुल झाले आहे.