जळगाव, लोकशाही न्यूज नेटवर्क:
शहरातील अयोध्या नगर भागात राहणाऱ्या तरुणीने गळफास लावून आपली जीवन यात्रा संपवल्याची घटना उघडकीस आली आहे. वडील कामावर तर आई आणि भाऊ बाहेरगावी गेले असल्याने घरात कोणीच नसतांना कोमल वसंत भावसार (30) रा. रौनक कॉलनी, अयोध्यानगर या तरुणीने घरात गळफास घेवून आत्महत्या केली आहे. तरुणीचे वडील घरी आल्यानंतर त्यांना मुलगी गळफास घेतलेल्या अवस्थेत दिसून आल्याने त्यांना धक्का बसला. तरुणीच्या आत्महत्येचे कारण अस्पष्ट असून याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
शहरातील अयोध्या नगरातील रौनक कॉलनीत कोमल भावसार ही तरुणी वास्तव्यास असून ती बँकेत अकाऊंटन म्हणून नोकरीला होती. तरुणीची आई आणि भाऊ पुण्याला गेले होते तर वडील वर्कशॉपमध्ये कामाला गेले असल्याने ती घरी एकटीच होती. दुपारच्या सुमारास कोमल भावसार हीने राहत्या घरात गळफास घेवून आपली जीवनयात्रा संपविली. सायंकाळी तीचे वडील कामावरुन घरी परतले असता, त्यांना आपली मुलगी गळफास घेतलेल्या अवस्थेत दिसून आली. मुलीचा मृतदेह बघताच त्यांनी एकच आक्रोश केला. याप्रकरणी एमआयडीसी पोलिसात अकस्मात मृत्यूची नोंद करण्यात
